Veľká Čalomija
Veľká Čalomija, hungare Nagycsalomja estas vilaĝo en Slovakio en regiono Banská Bystrica, en distrikto Veľký Krtíš.
- Areo: 10 km²
- Loĝantaro: 610
- Alto super marnivelo: 142 m
- Aŭtokodo: VK...
- Poŝtkodo: 991 09
- Telefonprefikso: 47
Situo redakti
La vilaĝo situas en valo, laŭ dekstra bordo de Ipeľ, laŭ traira flankovojo. Veľký Krtíš troviĝas 26 km-ojn for.
Historio redakti
La vilaĝo estis loĝata ekde la neolitiko. Antaŭ la hungaroj vivis tie kvadoj kaj avaroj. La unua mencio pri la preĝejo devenis el 1070, supozeble estis tie ankaŭ vilaĝo. La tataroj en 1241 detruis la setlejon. En 1244 la vilaĝo mem estas menciita en formo Egyház Chalamija. En 1552 la turkoj okupis la tutan regionon. En 1873 ĥolero okazis. En 1910 loĝis tie 685 da homoj, (plejparte hungaroj). Ĝis 1919 la vilaĝo apartenis al Hont, al distrikto de Ipolynyék, poste al Ĉeĥoslovakio. Inter 1938-1945 la loko rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. En 2001 loĝis tie 626 da homoj, (413 hungaroj, 209 slovakoj). Ekde 2008 ambaŭ landoj apartenas al interna zono de Schengen. Nur la malgranda rivero baras la senĝenan trairadon.