Verdaflava pterutjo
La Verdaflava pterutjo (Pteruthius xanthochlorus) estas birdo specio de la genro de pterutjoj konsiderata iam stranga membro de la silviedoj kaj poste lokita en la familio de timaliedoj. Sed ŝajne ĝi apartenas al disigaĵo en Azio de la familio de Ameriko nome vireedoj kaj pro tio ili povus aparteni al tiu grupo de Vireonidae. Krome delonge oni notis, ke ties kutimaro ege similas al tiu de la vireoj, sed tio povus esti kaŭzata de konverĝa evoluo. Tiu genro enhavas speciojn de tre diversaj koloroj kun markata seksa duformismo kaj la masklo pli kolora.
 | ||||||||||||||
|---|---|---|---|---|---|---|---|---|---|---|---|---|---|---|
 Verdaflava pterutjo
| ||||||||||||||
| Biologia klasado | ||||||||||||||
| ||||||||||||||
| Pteruthius xanthochlorus (Gray, 1846) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Aspekto redakti
Tiu specio ene de la genro montras ne tiom buntan bildon. Ĝi havas blugrizan kapon kaj olivverdecajn suprajn partojn, kiel plej parto de vireedoj. La gorĝareo estas blankeca kaj la resto de subaj partoj sablokoloraj kun tre markata flava nuanco en flankoj. La kontrasto inter verdecaj supraj partoj kaj flavecaj nuancflankoj nomigas la specion kaj en Esperanto kaj en la latina scienca nomo kie xanthochlorus estas kunmetaĵo de du radikoj el la antikva greka kiuj signifas respektive “flava” kaj “verda”. La okulo estas granda kaj nigra; la kruroj rozgrizecaj; la beko blugrizeca kaj mallonga.
Disvastiĝo redakti
Ĝi troviĝas en Butano, Ĉinio, Barato, Birmo, Nepalo, Pakistano kaj Vjetnamo. Ties natura habitato estas subtropikaj aŭ tropikaj humidaj montararbaroj.
Oni agnoskas 4 subspeciojn kun jena distribuado:
- occidentalis (Harington, 1913) - okcidenta Himalajo el nordorienta Pakistano orienten al okcidenta Nepalo.
- xanthochlorus (J. E. Gray & G. R. Gray, 1847) - centra Nepalo orienten al Butano, nordorienta Barato (centra Arunaĉal Pradeŝ) and apuda suda Ĉinio (Sudorienta Tibeto).
- hybrida (Harington, 1913) - nordorienta Barato (Nagalando suden al Mizoram) kaj okcidenta Birmo.
- pallidus (David, 1871) - norda Birmo, kaj sudcentra kaj sudorienta Ĉinio el sudorienta Gansuo kaj suda Ŝenŝjio suden al okcidenta kaj norda Siĉuano, Junano (escepte sude) kaj suda Guizhou, kaj suda Ĝeĝjango kaj norda Fuĝjano.
Referencoj redakti
- BirdLife International 2004. Pteruthius xanthochlorus[rompita ligilo]. 2006 IUCN Ruĝa Listo de Minacataj Specioj. Konsultita la 27an de julio 2007.
- Collar, N. J. & Robson, C. 2007. Family Timaliidae (Babblers) Pp. 70 - 291 in; del Hoyo, J., Elliott, A. & Christie, D.A. eds. Handbook of the Birds of the World, Vol. 12. Picathartes to Tits and Chickadees. Lynx Edicions, Barcelona.
