Vjetnamlingva Vikipedio
publikigita versio estis patrolita je 1 jan. 2024. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 1 jan. 2024.
La vjetnamlingva Vikipedio (vjetname Wikipedia tiếng Việt) estas vjetnamlingva aŭtonomeca eldono de Vikipedio.
| Vjetnamlingva Vikipedio | |
|---|---|
 | |
| Retadreso | vi.wikipedia.org |
| Kategorio | Vikipedio (libera reta enciklopedio) |
| Lingvo | vjetnama |
| Posedanto | Fondaĵo Vikimedio |
| Statistikoj | |
| je la 25-a de aprilo 2024 | |
| Artikolnombro | 1 292 903 |
| Profundeco | 723.4 |
| Paĝoj | 19 467 074 |
| Redaktoj | 71 267 241 |
| Uzantoj | 951 592 |
| Aktivaj uzantoj | 1 518 |
| Administrantoj | 15 |
| Dosieroj | 26 158 |
Kiel la aliaj lingvaj eldonoj de Vikipedio, la projekta enhavo estas kaj kreita kaj rigardata per la programaro MediaVikio. La precipa konkurenco de la vjetnama vikipedio estas la Enciklopedia Vortaro de Vjetnamo (Từ điển Bách khoa toàn thư Việt Nam), ŝtate subvenciita enciklopedia vortaro ankaŭ atingebla en la komputila reto.
Historio redakti
La vjetnama vikipedio origine komenciĝis en novembro 2002, per ĉefpaĝo kaj artikolo pri la organizaĵo Internet Society. La projekto havis malmultan publikan atenton kaj ne ekricevis signifajn kontribuojn ĝis ĝi "restartiĝis en oktobro 2003, kaj la pli nova, Unikodo-kapabla programaro MediaVikio estis instalita baldaŭ post tio.
.png)
La 26-an de aŭgusto 2008, la vjetnama vikipedio ricevis sian 50 000-an artikolon - (nur) 432 el tiuj artikoloj estis kreitaj pere de interretaj robotoj. Ĝis la tempo kiam la projekto atingis sian 100 000-an artikolon la 12-an de septembro 2009, robote kreitaj artikoloj konsistigis proksimume 5 procentaĵojn de la tuta artikolaro. La projekto estas iom nekutima inter la aliaj grandaj diverslingvaj vikipediaj eldonoj en tio ke ĝi havas signife pli da registritaj uzantoj ol da artikoloj, sed ekde 2009 ĝi estas en stato de rapida kresko.
La 2-an de februaro 2012 la projekto atingis sian 300 000-an artikolon.
La vjetnama vikipedio uzas AVIM, tajpa programo uzanta Ĝavaskripton, kiu permesas al uzantoj tajpi akcentitajn vjetnamajn literojn en pluraj popularaj tajpaj metodoj, kiel Telex kaj VIQR. La preferata tajpa sistemo povas esti elektata en la ĉapitro titolita "Gõ tiếng Việt" en la maldekstra menuo de ĉiu projekta paĝo.