Óscar Arias

Óscar Rafael de Jesús ARIAS SÁNCHEZ (Heredia, 13-a de septembro de 1941) ĝis la 8-a de majo 2010 formale estas la prezidento de Kostariko. Li estis antaŭe prezidento dum la periodo 1986 al 1990. Li ricevis la Nobel-premion de Paco en la jaro 1987, pro lia kontribuo al la ĉesigo de la militoj en Centrameriko dum la 1980-aj jaroj, kaj specife pro lia opono al la usona interveno en Nikaragvo kontraŭ la sandinistoj. Lia posteulino, elektita en baloto de la 7-a de februaro 2010, ekde la 8-a de majo 2010 estos lia antaŭa vicprezidentino Laura Chinchilla Miranda.

Óscar Arias
Nobel-premiito
President of the United Nations Security Council
Persona informo
Óscar Rafael de Jesús Arias Sánchez
Naskiĝo	13-an de septembro 1940 en Heredia, Kostariko
Religio	katolika eklezio [#]
Lingvoj	hispana [#]
Ŝtataneco	Kostariko [#]
Alma mater	Universitato de Bostono • Londona Lernejo de Ekonomiko • Universitato de Kostariko • University of Essex [#]
Partio	Partio Liberiĝo Nacia
Subskribo
Familio
Edz(in)o	Margarita García [#]
Profesio
Okupo	politikisto [#]
Honorigoj Honorigoj Siege of Cairo • Premio Princino de Asturio pri Internacia Kunlaborado • Philadelphia Liberty Medal • Audubon Medal • honorary doctorate of the University of Salamanca • honora doktoro de Universitato Harvard • honorary doctorate from Princeton University • honorary doctorate of the University of Extramadura • Nobel-premio pri paco • honorary doctor of the University of Miami [#]
Prezidento de Kostariko
Dum	8-a de majo 2006 – 8-a de majo 2010
Vicprezidento	Laura Chinchilla Miranda (ĝis oktobro 2008)
Antaŭulo	Abel Pacheco
Dum	8-a de majo 1986 – 8-a de majo 1990
Antaŭulo	Luis Alberto Monge
Sekvanto	Rafael Ángel Calderón Fournier
[#]	Fonto: Vikidatumoj

Biografio

Arias studis juron en la Universitato de Kostariko, kaj poste politikan sciencon en Britio.

Dum la universitato li aliĝis al la Partido Liberación Nacional (Partio Liberiĝo Nacia), kaj baldaŭ progresis politike. En 1970 la tiama prezidento José Figueres Ferrer lin nomunis helpanto, kaj poste ministro.

En 1985 li estas elektita kandidato de sia partio al la prezidenteco, kaj venkas en la postaj balotoj.

Li devis regi sian landon ene de forta malstabileco en la regiono. Li kreas grupon or la pacigo de la najbaraj landoj, kaj je la 7-a de aŭgusto 1987, diversaj landoj subskribas la Traktaton de Esquipulas, kiu ankaŭ estas nomita Konsento de Arias. Liaj klopodoj estas agnoskitaj per la Nobel-premio kaj aliaj postaj internaciaj honoroj.

Per la mono de la Premio, li kreis la Fondaĵon Arias por la Paco kaj la Homa Progreso, kiu agadas ankoraŭ en diversaj kampoj por la solvo de militaj konfliktoj.

Post la fino de lia prezidenteco, li engaĝis sin en diversaj klopodoj diplomataj, kaj estas ano de pluraj internaciaj organizaĵoj.

Nuntempe

Post konstitucia amendo, kiu permesis la reelektadon de prezidentoj en Kostariko, Óscar Arias prezentis sian kandidatecon por la posteno, kaj venkis en la balotoj kiuj okazis je la 5-a de februaro de 2006.