Ĉahbaharo

Ĉahbaharo · چابهار
Administrado
Lando	Irano
Provinco	Sistano kaj Baluĉistano
Telefonkodo	0545
En TTT	Oficiala retejo [+]
Demografio
Loĝantaro	106 739 (2016) [+]
Geografio
Geografia situo	25° 18′ N, 60° 39′ O (mapo)25.29194444444460.643055555556Koordinatoj: 25° 18′ N, 60° 39′ O (mapo) [+]
Alto	18 m [+]
Horzono	UTC+03:30
	Situo de Ĉahbaharo · چابهار
Alia projekto
	Vikimedia Komunejo Chabahar [+]
	v • d • r

Ĉahbaharo^[1] (persalingve چابهار, laŭ baluĉa lingvo چھبار‎,) estas marhavena urbo kaj ĉefurbo de la samnoma distrikto Ĉahbaharo en la Provinco Sistano kaj Baluĉistano, Irano. Ĝi estas la plej suda urbego de Irano kaj libera haveno (libera komerca zono) laŭ la marbordo de la Golfo de Omano fondita en 1992. La loknomo signifas: 4 printempoj (komprenu:tutjare estas printempo).

Maŭzoleo

Bazaj informojRedakti

Supermara alteco: 9 m
Loĝantaro: 106,739 en 2016
Horzono: UTC+3:30; somere UTC + 4:30
Telefonkodo: (+98) 545

GeografioRedakti

Ĉahbaharo situas laŭ la marbordo de Makran.

HistorioRedakti

Ekzistis fiŝkaptista vilaĝo kaj iama haveno nomita Ti en la najbareco de la nuna Ĉahbaharo jam antaŭ Kristo 2500. Dum konkeroj de Aleksandro la Granda la loknomo ŝaĝiĝis al Tiz, poste denove Ti. Tiu aktiva komerca haveno estis detruita fare de la mongoloj. La portugaloj havis la unuan kolonion en tiu parto ĝis 1621, poste britoj kaj denove portugaloj alvenis. La moderna urba vivo komenciĝis ĉirkaŭ 1970, kiam ĝi estis deklaritaj municipo kaj granda haveno. Moderna mararmea kaj aviadila bazo estis establita.

Poŝto

EkonomioRedakti

Pro la strategia loko Ĉahbaharo estas en fokuso de la irana evoluo. La ekonomiaj sektoroj estas fiŝindustrio kaj komercado. Estas plano fari olean kaj gasan dukton al Pakistano/Afganistano.

TrafikoRedakti

Ĉahbaharo estis konektita al sola ĉefvojo al la tutlanda vojreto. Tamen tiu vojo havas branĉon al Pakistano. La urbego havas ankaŭ internacian flughavenon. Ekde 2010 oni konstruas fervojan linion al Pakistano, poste Afganistano.

KlimatoRedakti

Ĉahbaharo situas en arida klimato laŭ klimata klasifiko de Köppen. La okcidentaj ventoj vintre kaŭzas pluvojn kaj malofte ankaŭ la musono. Jare pluvas po 116,5 mm. Inter aprilo-novembro apenaŭ pluvas. La averaĝa temperaturo estas 26,7 °C, inter aprilo-oktobro ofte estas pli, ol 40 °C.