Ĉokoa tukano
La Ĉokoa tukano (Ramphastos brevis) estas granda kaj kolorbela birdo el la familio de la Ramfastedoj kaj ordo de Pegoformaj de Sudameriko. Temas pri birdo kun granda beko, de ĉefe nigra plumaro kaj kiu troviĝas en humidaj malaltaj teroj kaj montetaj arbaroj de la Pacifika marbordo de Kolombio kaj Ekvadoro. Ene de ties teritorio, okazas ekstensiva habitato detruo, sed ĝi restas sufiĉe komuna surloke.
 | ||||||||||||||
|---|---|---|---|---|---|---|---|---|---|---|---|---|---|---|
 Ĉokoa tukano, ilustraĵo
| ||||||||||||||
| Biologia klasado | ||||||||||||||
| ||||||||||||||
| Ramphastos brevis (Meyer de Schauensee, 1945) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Priskribo redakti
La Ĉokoa tukano estas granda (kvankam inter la plej malgrandaj tukanoj de la genro Ramphastos), ĉefe nigra birdo kun tre kontrasta kaj rimarkinda nigroflava beko (kun diagonala limo), flava brusto, blankaj supraj vostokovriloj, ruĝaj subaj vostokovriloj kaj verdeca ĉirkaŭokulo. Ĝi estas tre simila al la pli granda Brunbeka tukano, sed sen bruno en la beko. En la naturo, ambaŭ estas ĝenerale tre facile separataj pro iliaj voĉoj; grakanta ĉe la Ĉokoa kaj hurlanta ĉe la Brunbekulo.
Distribuado redakti
Kiel sugestas ties komuna nomo, la Ĉokoa tukano estas limigita al la humidaj arbaroj de Ĉokoaj arbaroj en okcidenta Ekvadoro kaj okcidenta Kolombio. La supozata tutmonda teritorio estas de ĉirkaŭ 110,000 km².
Reproduktado redakti
La ino de Ĉokoa tukano demetas 3-4 purblankajn ovojn kiuj estas kovataj dum 16 tagoj. La idoj ekflugas post 45-50 tagoj.
En kaptiveco redakti
En birdobredado, postuloj de spacaj kaĝoj kaj alta fruktodieto, kaj ties sensiveco al hemokromatozo (ferstoka malsano), faras ilin malfacile bredataj de novbredantoj.
Referencoj redakti
- BirdLife International (2006) Specidatumbazo [1] je 5/4/2007
- InfoNatura: Birds, mammals, and amphibians of Latin America [retejo]. 2004. Versio 4.1 . Arlington, Virginio (Usono): NatureServe. [2] Arkivigite je 2005-12-02 per la retarkivo Wayback Machine. Aprilo 16a, 2007.
Eksteraj ligiloj redakti
- Fotoj de la Ĉokoa tukano Arkivigite je 2008-10-13 per la retarkivo Wayback Machine ĉe Mangoverde.
- Filmoj de Ĉokoa tukano[rompita ligilo] ĉe Interreta Birdokolekto
- Fotaro de Ĉokoa tukano VIREO Foto-High Res-(Close-up)