Ŝanono

La rivero Ŝanono (irlande: An tSionainn, An tSionna, angle Shannon) estas kun ĉirkaŭ 370 km la plej granda rivero de Irlando kaj de la Britaj insuloj. Ĝia akvokolekta baseno havas ĉirkaŭ 15.700 kvadratajn kilometrojn.

Shannon
ŝanono en la urbo Limeriko. Fone burgo de King John
rivero
Bazaj informoj
Situo	Irlando, Eŭropo
Rivera reto	Shannon
Longeco	370 km
Fluo
Fonto	Cuilcagh montaro en al graflando An Cabhán
- Alteco super marnivelo	76 m
- Koordinatoj	54° 14′ 5″ N, 7° 55′ 9″ U (mapo)54.234722222222-7.9191666666667
Enfluejo	Atlantika oceano apud Limeriko (Luimneach/Limerick)
- Alteco	0 m
- Koordinatoj	52° 34′ 0″ N, 9° 42′ 0″ U (mapo)52.566666666667-9.7
Altecodiferenco	76 m
Geografio
Alfluantoj
- Dekstraj	Suck
- Maldekstraj	Brosna, riveroj Inny kaj Feale
rivervojo

La ekesto kaj la nomo ĝi laŭdire ŝuldas al la ina fabela figuro Sionan el la Kelta mitologio .

iro de la rivero

Priskribo de la riveriro

Ĝia fonto situas 76 metrojn super la marnivelo, en la Cuilcagh montaro en la irlanda graflando An Cabhán en la nordokcidento de la lando. De ĉi-tie la rivero fluas unue tra subtera kaverna sistemo kaj reaperis kiel Shannon Pot en la graflando An Cabhán. Ĝi deakvigas la marĉan mezon de Irlando, trafluas fiŝriĉajn lagojn kaj havas norde de Limeriko kataraktojn. Okcidente de Limeriko, tra mallarĝa ĉirkaŭ 100 km longa riverbuŝa funelo ĝi enfluas la Atlantikan oceanon. La estuaro malsupre de Limeriko estas forte influita de la tajdo. La Ŝanono trafluas la lagojn Lough Allen, Lough Ree kaj Lough Derg, la plej granda lago de la rivero. Apud Ard na Croise troviĝas hidroelektra centralo.

Konstruaĵoj kaj uzado

Dum la mezepoko estis konstruataj multaj burgoj ĉe ĝia riverbordoj, ĉar la rivero formas la limon inter la provincoj Laighin (Leinster) kaj Connachta (Connacht). De la mezo de la 18a jarcento ĝis la komenco de la fervojo la rivero estis la ĉefa trafika linio de la regiono. La nova sendependa ŝtato Irlando investis multon en la evoluigon de la rivero post la unua mondmilito. Ĝis hodiaŭ la baraĵŝtupoj kun ĝiaj energicentraloj estas la plej granda elektroproduktanto de Irlando.

Lokoj apud la rivero

la lumturo Tarbert kaj la energicentralo Ghob na Muine

ponto super la riverego, fone la malnova fortreso

• Cora Droma Rúisc) (Carrick-on-Shannon)
• Cluain Mhic Nóise (Clonmacnoise) (fama monaĥeja ruino)
• Áth Luain (Athlone)
• Desanchar
• Port Omna
• Cill Dalua
• Limeriko
• Foynes (pramo)
• Tarbert (pramo)
• Reĝa Kanalo

Eksteraj ligiloj

• Informationen und Karten über den Shannon Arkivigite je 2005-12-04 per la retarkivo Wayback Machine (englisch)