Ŝelia frankolino

La Ŝelia frankolino (Scleroptila shelleyi) estas birdo de la familio de Fazanedoj de la ordo de Kokoformaj kaj grupo de afrikaj frankolinoj.

Kiel legi la taksonomion Ŝelia frankolino
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Kokoformaj Galliformes Familio: Fazanedoj Phasianidae Genro: Francolinus Specio: F. shelleyi
Dunomo
Francolinus shelleyi (Ogilvie-Grant, 1891)
Konserva statuso
Konserva statuso: Malplej zorgiga
Aliaj Vikimediaj projektoj

Ŝelia frankolino, ilustraĵo fare de John Gerrard Keulemans, 1893

Taksonomio

La specio estis nomita laŭ Sir Edward Shelley, kuzo de la ornitologo George Ernest Shelley, siavice nepo de Percy Bysshe Shelley. Oni ĵus proponis reorganizadon de tiu specio de Francolinus en la genro Scleroptila kun F. streptophorus, F. levaillantii, F. africanus, F. psilolaemus, F. finschi kaj F. levaillantoides.

Distribuado kaj habitato

Ĝi troviĝas en Demokratia Respubliko Kongo, Kenjo, Malavio, Mozambiko, Ruando, Sudafriko, Tanzanio, Ugando, Zambio kaj Zimbabvo.

Subspecio S. s. uluensis, ilustraĵo fare de John Gerrard Keulemans, 1893

Aspekto

Temas pri frankolino malhelbruna kaj strieca en krono kaj subaj partoj, kun helbruna superokula strizono, dividita per tre fajna nigra strio, kaj subokula malhela vango, dum la gorĝo estas blankeca kun nigra bordo sed sen punktoj, malkiel parencaj. La subaj partoj estas sablokoloraj kun tre markata ruĝeca vertikala strieco en brusto kaj flankoj. En la ventro estas nigraj punktomakuloj. La kruroj estas flavecaj.

Referencoj

• BirdLife International 2004. Francolinus shelleyi. 2006 IUCN Ruĝa Listo de Minacataj Specioj. Konsultita la 10an de julio 2007.