Adeodato la 2-a
papo de la katolika eklezio
Adeodato la 2-a naskiĝis en Romo kaj mortis la 17-an de junio 676. Li elektiĝis papo la 11-an de aprilo 672. Lia latina nomo signifas “donita de dio“. Li kalkuliĝas 2-a papo de nomo Adeodato, ĉar samnomulo jam estis papo inter la jaroj 615 kaj 618, kiu tamen estis pli konata per nomo Diodono.

Adeodato la 2-a | ||
---|---|---|
77-a papo de la katolika eklezio | ||
![]() | ||
Pontifiko | de la 11-a de aprilo 672 | |
ĝis la 16-a de junio 676 | ||
Antaŭulo | Vitaliano | |
Sekvanto | Dono | |
Persona informo | ||
Naskiĝo | je nekonata dato en Romo | |
Morto | 17-an de junio 676 en Romo | |
Tombo | Baziliko de Sankta Petro en Romo [#] | |
Lingvoj | latina | |
[#] | Fonto: Vikidatumoj | |
Antaŭ ol li fariĝis papo, li estis monaĥo en la Erasmo-monaĥejo en Romo. Adeodato la 2-a ne multe sin enmiksis en sekularan politikon kaj kontraŭbatalis la monotelitismon. Li impresis per sia boneco kaj grandanimeco.
La katolika memortago estas la 17-a de junio, lia mortotago. Lia tombo troviĝas en la katedralo Sankta Petro.