Alaska kalidro
La Alaska kalidro, Calidris aŭ Erolia mauri, estas tre eta kalidro kaj eta vadbirdo de la familio de Skolopedoj kaj ordo de Ĥaradrioformaj.
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Calidris mauri Cabanis, 1857 | ||||||||||||||
| Konserva statuso | ||||||||||||||
 | ||||||||||||||
Sinonimoj
| ||||||||||||||
|
Ereunetes mauri | ||||||||||||||
Aliaj Vikimediaj projektoj
| ||||||||||||||
Disvastiĝo redakti
Tiu kalidro idigas en tundro de orienta Siberio kaj Alasko de kie venas ties nomo. Ĝi migras al ambaŭ marbordoj kaj sudo de Usono, Meksiko, Centra Ameriko kaj la Karibo kaj nordo de Suda Ameriko ĉe Kolombio. Ĝi estas tre rara vagulo en okcidenta Eŭropo. Tiu estas la plej abunda vadbirdo en okcidenta Usono kun loĝantaro de ĉirkaŭ 3,5 milionoj; multnombro de tiu birdo povus malpliiĝi pro poluado kaj aliaj kialoj ĉe haltejoj dum migrado.
Aspekto redakti
Plenkreskuloj estas ĉirkaŭ 16 cm longaj kaj pezas ĉirkaŭ 25 g kaj havas malhelajn krurojn kaj mallongan maldikan bekon, kiu estas pli fajna kaj iomete subenkurbigita pinte kaj larĝa ĉebaze. Estas blanka superokula strio. La korpo estas bruna supre kaj blanka sube. Ili estas ruĝbrunaj ĉekrone. Inoj estas iomete pli grandaj kaj havas bekon iomete pli longan. Tiu birdo povas malfacile diferenciĝi disde aliaj similaj etaj vadbirdoj, speciale de la pigmea kalidro. Konfuzo okazas ĉefe en vintra plumaro, kiam ambaŭ specioj estas tute grizaj. La alaska kalidro atingas vintran plumaron pli frue en aŭtuno ol la Pigmea kalidro.
Kutimoj redakti
La Alaska kalidro konstruas neston surgrunde, kutime inter plantaro. La masklo faras kelkajn truojn; la ino elektas unu kaj tie demetas 3 ĝis 5 ovojn. Ambaŭ gepatroj kovas; la ino povas formigri antaŭ eloviĝo. La masklo kaj foje la ino prizorgas la idojn, kiuj tujtuje sin mem nutras.
La alaskaj kalidroj sin nutras en kotejoj, bekoplukante laŭ esploro per la beko aŭ laŭ rigarda serĉado. Ili sin nutras ĉefe per insektoj, etaj krustuloj kaj moluskoj; foje iom da planta materialo. Ili sin nutras en aroj per rapidaj movoj kvazaŭ tiuj de kudromaŝino. Ili flugas ankaŭ en aroj per rapidaj kaj sendirektaj kolektivaj movoj.
Ili vivas 9 jarojn.
Referencoj redakti
- BirdLife International (2004). Calidris mauri. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11 Majo 2006.
Eksteraj ligiloj redakti
- Kanada tttejo pri naturmedioj Arkivigite je 2018-08-12 per la retarkivo Wayback Machine
- Reta identiga artikolo pri tiu specio kaj aliaj etaj kalidroj
- Informaro pri la specio Alaska kalidro - Laboratorio Cornell pri Ornitologio
- Alaska kalidro - Calidris mauri - Birdidentigejo USGS Patŭent
- Informaro pri la Alaska kalidro - Birdoj kaj Birdumo ĉe Suda Dakoto