Amira Chun

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

CHUN Kyung Ok, arta nomo Amira Chun (naskiĝis la 12-an de septembro 1963 en Seulo), estas korea kantistino kaj esperantisto.

Amira Chun
Persona informo
Naskiĝo 12-an de septembro 1963 (1963-09-12) (57-jara)
en Seulo
Lingvoj korea Esperanto
Ŝtataneco Sud-Koreio
Okupo
Okupo kantistoesperantisto
Information icon.svg
vdr

BiografioRedakti

Amira Chun studis klasikan voĉon en la Nacia Universitato de Seulo. Ŝi tamen ne sekvis karieron pri klasika muziko, anstataŭe ŝi preferis dediĉi sin al socialaj kaj poemaj kantoj de Koreio. Forta influo pri sia arto estas la situacio de Koreio kiel lando dividita. Ŝiaj kantoj estas markitaj de sopiro pri reunuiĝo de koreoj, de nerapida ritmo kaj lirika melodio, kun la celo komfortigi la animon kaj provoki rememorojn. Vero, forto, homamo, naturo kaj vivo estas oftaj temoj en ŝiaj kantoj.

Ŝi lanĉis du albumojn en la korea. Ŝi ankaŭ estas ĥorestro de korusoj en Seulo.

EsperantoRedakti

Amira eklernis Esperanton en 2017. Ŝi estis invitita al la dua Filmfestivalo Teo Kaj Amo, okazinta en Ĉinio, por kanti en la Internacia Vespero de la filmfestivalo. En 2019 ŝi estis invitita al la Baltiaj Esperanto-Tagoj numero 55, kiam ŝi prezentis al la publiko unu-horan koncerton kaj ankaŭ havis la okazon kanti kun Asorti. En 2020 Amira Chun estis invitita de Universala Esperanto-Asocio por kanti la himnon La Espero por la malfermo de la Monda Festivalo de Esperanto, nome Somera Inaŭguro.

Ŝi instruas Esperanto-kantojn en la Seula Esperanta Kulturcentro (SEK) ĉiusemajne kaj laboras pri albumo en Esperanto.