Arnota formikulo

La Arnota formikulo (Myrmecocichla arnoti) estas specio de birdo de la familio de Muŝkaptuledoj kaj genro de Formikuloj, kiu enhavas naŭ speciojn de nigrecaj birdoj kiuj manĝas insektojn, sed ĉefe formikojn, de kio devenas la nomoj popola kaj scienca.

Kiel legi la taksonomion Arnota formikulo
Arnota formikulo, masklo Arnota formikulo, ino
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Muŝkaptuledoj Muscicapidae Genro: Myrmecocichla Specio: M. arnoti'
Dunomo
Myrmecocichla arnoti (Tristram, 1869)
Konserva statuso
Konserva statuso: Malplej zorgiga
Aliaj Vikimediaj projektoj

Ĝi estas tutnigra birdo, kiu montras tre grandan, kontrastan kaj rimarkindan blankan flugilmakulon. Ĝi estas 18 cm kaj pezas ĉirkaŭ 33 g.

Ĝi troviĝas ĉefe en centra Suda Afriko sed ĝenerale en la jenaj landoj: Angolo, Bocvano, Burundio, Demokratia Respubliko Kongo, Malavio, Mozambiko, Namibio, Ruando, Sudafriko, Tanzanio, Ugando, Zambio kaj Zimbabvo. Ties natura habitato estas subtropika aŭ tropika seka arbaro. Ĝi manĝas ĉefe senvertebrulojn. Tiu specio estas monogama. Ili nestimas en truo de arbotrunko aŭ sur branĉoj. La ino demetas 2 al 4 verdajn ovojn. Ili videblas pare aŭ are, sed ne solaj.

Referencoj

• BirdLife International 2004. Myrmecocichla arnoti. 2006 IUCN Ruĝa Listo de Minacataj Specioj. Konsulita la 26an de julio 2007.