Bad König
Bad König estas banloka urbo en centra Germanio. Ĝi situas en la distrikto Odenwald, kiu havas sian nomon de la mezalta montaro Odenvaldo, en la federacia lando Hesio. Fine de la jaro 2022 la komunumo havis 9951 loĝantojn.
| Bad König | |||||||
| |||||||
| |||||||
|---|---|---|---|---|---|---|---|
| banloko • urbeto • urba komunumo de Germanio | |||||||
| |||||||
| Administrado | |||||||
| Federacia lando | Hesio | ||||||
| Distriktaro | Distriktaro Darmstadt | ||||||
| Distrikto | Distrikto Odenwald | ||||||
| Urborajtoj | jes | ||||||
| Telefona antaŭkodo | 06063 | ||||||
| Poŝtkodo | 64732 | ||||||
| Aŭtomobila kodo | ERB | ||||||
| Oficiala Municipokodo | 06437001 | ||||||
| Politiko | |||||||
| Komunumestro | Uwe Veit | ||||||
| Adreso de la administrejo | Schloßplatz 3 64732 Bad König | ||||||
| Demografio | |||||||
| Loĝantaro | 9951 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 49° 44′ N, 9° 0′ O (mapo)49.741259.0070833333333Koordinatoj: 49° 44′ N, 9° 0′ O (mapo) | ||||||
| Alto super la marnivelo | 100 ĝis 400 m | ||||||
| Areo | 46,73 km² | ||||||
| Oficiala retejo | http://www.badkoenig.de/ | ||||||
La urbo disponas pri terma banejo kaj vasta kuracurba parko. La kunvenejo Kurhaus gastigas koncertojn kaj kongresojn, en subĉiela teatrejo somere sursceniĝas pliaj kulturaj eventoj. Apud la historia urba kastelo troviĝas interalie modesta memorejo pri la polusa esploristo Carl Weyprecht, kiu naskiĝis en la urbeto kaj laboris precipe en Vieno.
Divido redakti
Al la urba teritorio krom la kerna urbo apartenas la partoj
- Zell,
- Momart,
- Etzen-Gesäß,
- Fürstengrund,
- Kimbach,
- Nieder-Kinzig kaj
- Ober-Kinzig kun la vilaĝeto Gumpersberg.
Partnera urbo redakti
Bad König havas partnerajn rilatojn kun la urbo
Argentat sur Dordogne en Francio.
Rilatoj al Esperanto redakti
Dum 2005 la Germana Esperanto-Kongreso okazis en la urbo. La esperantisto Andreas Emmerich, gvidanto de la distrikta Esperanto-klubo kaj de 2001 ĝis 2007 prezidanto de Germana Esperanto-Asocio (GEA), poste vicprezidanto, loĝas en la komunumo Brombachtal en distanco de nur 6 kilometroj sudokcidente, kaj inter la jaroj 2002 kaj 2007 la esperantistoj Thomas Pusch kaj Remi Rudaitytė loĝis en Höchst im Odenwald en distanco de nur 8 kilometroj norde.
-
la urba kastelo -
jen aliaparte -
memorejo pri C. Weyprecht -
historia gastejo
Eksteraj ligiloj redakti
- paĝo de la urbo, germanlingva
- paĝo de la Esperanto-Klubo Odenwald Arkivigite je 2014-01-23 per la retarkivo Wayback Machine