Mapo de Bahamoj
Disvastiĝo de la tropikaj kaj subtropikaj koniferarbaroj.

La bahamaj pinaroj estas tersupraĵa ekoregiono el la kariba ekoprovinco de la neotropisa ekozono laŭ la tipologio de la Monda Natur-Fonduso (WWF). Biome ĝi apartenas al tropikaj kaj subtropikaj koniferarbaroj.

PriskriboRedakti

 
Pinaroj en Suda Andros.

La ekoregiono situas en Bahamoj kaj Turkoj kaj Kajkoj kie ĝi kovras areon de 2 100 kvadrataj kilometroj[1][2]. Pinaroj troviĝas en kvar de la nordaj insuloj de Bahamoj : Andros, Abako-Insularo, Granda Bahamo, kie ili kovras duonon de la insulo [3] kaj Novprovidenco, kune kun Turkoj kaj Kajkoj.

FlaŭroRedakti

La pinaroj estas dominataj de la kariba pino (Pinus caribaea var. bahamensis), dum Bletia purpurea (orkidacoj), Andropogon glomeratus (poacoj), agla pteridio, Tetrazygia bicolor (melastomatacoj) , Tabebuia bahamensis (bignoniacoj), Chiococca alba (rubiacoj), Cassytha filiformis (laŭracoj), Metopium toxiferum (anakardiacoj), Zamia integrifolia (zamiacoj) kaj Coccothrinax argentata (arakacoj) vegetas en la subarbaraĵo. Sen oftaj arbaraj incendioj, pinaroj estos anstataŭigitaj de angiosperma kopsarbaro. Junaj karibaj pinoj postulas grandajn kvantojn de sunlumo por kreskado, kaj estas rezistemaj kontraŭ fajro kiam ili estiĝas plenkreskaj [4].

FaŭnoRedakti

La faŭno trovata en la pinaroj inkludas Cyclura spp. (igvanedoj), Epicrates spp. (serpentoj), Melanerpes superciliaris (pegedoj), Calliphlox evelynae (kolibroj), bahaman parulion (Geothlypis rostrata), kaj Erophylla sezekorni (kiropteroj). Kirtlanda parulio (Dendroica kirtlandii) migradas ekde la Banks-pinaroj en Malsupra Duoninsulo de Miĉigano al Bahamaj pinaroj ĉiujare, kie ili pasas la vintron [5].

ReferencojRedakti

 
Pinaro en Bahamoj.
  1. WWF : Bahamian pine forests (NT0301), World Wide Fund for Nature
  2. Fire Management Assessment of the Caribbean Pine (Pinus caribea) Forest Ecosystems on Andros and Abaco Islands, Bahamas. TNC Global Fire Initiative. The Nature Conservancy (September 2004). Alirita 2009-01-16.
  3. . The Ecosystems of Grand Bahama Island. Grand Bahama Island Tourism Board. Alirita 2009-01-15.
  4. Ecosystems Of The Bahamas. The Commonwealth of The Bahamas. Alirita 2009-01-15.
  5. WWF : Bahamian pine forests (NT0301), National Geographic Society

Vidu ankaŭRedakti


Neotropisaj tropikaj kaj subtropikaj koniferarbaroj
NT0301 Bahamaj pinaroj   Bahamoj,   Turkoj kaj Kajkoj
NT0303 Centramerikaj miksaj koniferaroj   Gvatemalo,   Honduro,   Meksiko,   Nikaragvo,   Salvadoro
NT0304 Kubaj pinaroj   Kubo
NT0305 Hispaniolaj pinaroj   Domingo,   Haitio
NT0307 Laguna-montaraj pinaroj-kverkaroj   Meksiko
NT0308 Oaĥak-patrinmontaraj pinaroj-kverkaroj   Meksiko
NT0309 Sud-patrinmontaraj pinaroj-kverkaroj   Meksiko
NT0310 Neĝmontaraj pinaroj-kverkaroj   Meksiko

Eksteraj ligilojRedakti