Collina d'Oro
Collina d'Oro estas komunumo de la Komunumaro Carona kaj la Distrikto Lugano en Kantono Tiĉino, Svislando. Ĝi havis 4338 loĝantojn je la 31-a de decembro 2011.
| Collina d'Oro | |
|---|---|
 | |
| Blazono de Collina d'Oro | |
-2.jpg) | |
| Preĝejo Sant'Abbondio en Collina d'Oro | |
| Kantono | Tiĉino |
| Distrikto | Lugano |
| Komunumaro | Carona |
| Koordinatoj | 46° 59′ 0″ N 8° 55′ 0″ O / 46.98333 °N, 8.91667 °O (mapo)Koordinatoj: 46° 59′ 0″ N 8° 55′ 0″ O / 46.98333 °N, 8.91667 °O (mapo) |
| Nombro de loĝantoj | {{{loĝantoj}}} |
| Areo | 6,90 km² |
| Alteco | 469 m super marnivelo |
| Poŝtkodo | 6926 |
| Komunumkodo | 5236 |
 | |
| Mapo de Collina d'Oro | |
Geografio redakti
Collina d'Oro situas sudoriente de la distriktĉefurbo Lugano sur la duoninsulo Ceresio ĉe la bordo de la Lago de Lugano. Ĉe la norda komunumlimo situas la Lago de Muzzano. La komunumo konsistas el la vilaĝoj Agra, Arasio, Barca, Carabietta, Certenago, Gentilino, Montagnola, Orino, Poprino, kaj Viglio.[1]
La teritorio de la komunumo etendiĝas inkluzive Carabiette sur areo de 6,90 km², de kiuj 42,9% estas kovritaj de arbaro, 10,1% servas por agrikulturo kaj 34,2% por setlado.[2]
Najbaraj komunumoj redakti
La komunumo Collina d'Oro limas en nordo al Muzzano, en nordnordoriento al Sorengo, en oriento kaj sudo al Lugano, en sudoriento al Grancia, kaj en okcidento al la Lago de Lugano.
Trafiko redakti
Tra Collina d'Oro pasas en nordo la kantona ĉefvojo de Lugano al Ponte Tresa kaj la kantona ĉefvojo n-ro 404 de Muzzano al Figino. La alveturejo Lugano Sudo al la svisa aŭtovojo A2, kiu pasas tra la komunuma teritorio situas rekte oriente de la komunumlimo sur la teritorio de la urbo Lugano. Gentilino disponas pri haltejo ĉe la etspura trama fervojo de Lugano al Ponte Tresa. La ceteraj partoj de la komunumo estas konektitaj al la publika transportreto pere de la busreto de la urbo Lugano.
Historio redakti
La komunumo Collina d'Oro estis fondita en la jaro 2004 per kunigo de la ĝis tiam sendependaj komunumoj Agra, Gentilino kaj Montagnola. Kun efiko de la 1-a de aprilo 2012 ankaŭ Carabietta estis integrita al Collina d'Oro. [3]
Famaj personecoj redakti
De 1919 ĝis sia morto en 1962 la verkisto germana kaj svisa Hermann Hesse vivis en Collina d'Oro. En julio 1997 honore al la verkisto kun subteno de lia filo estis malfermita en Montagnola la Muzeo Hermann Hesse.
Notoj kaj referencoj redakti
Vidu ankaŭ redakti
Eksteraj ligiloj redakti
- Oficiala retejo de la komunumo Collina d'Oro
- Retejo de la Muzeo Hermann Hesse en Montagnola Arkivigite je 2011-05-19 per la retarkivo Wayback Machine
- Vidu ankaŭ en la Vikimedia Komunejo la kategorion Collina d'Oro – (Kolekto de bildoj kaj plurmediaj dosieroj)
Bildoj redakti
-
Muzeo Hermann Hesse en Montagnola
