Konflikto de Menstad
(Alidirektita el Batalo de Menstad)
La konflikto de Menstad (norveglingve Menstadkonflikten) estis akra socia konflikto kaj politika skandalo en Norvegio. Ĝi okazis la 8-an de junio 1931 en fabrikejo de la firmao Norsk Hydro en Menstad, proksime al Skien, en la provinco Telemark.
La konflikto okazis en la kunteksto de la Granda Depresio. La dungitoj organizis strikon por protesti kontraŭ ĝenerala salajra malpliigo.
Post kiam polico estis superfortita, la registaro kaj ties ministro pri defendo Vidkun Quisling sendis la norvegan armeon, oficiale por protekti najbarajn armilujojn. Kvankam ne estis batalo inter la strikanoj kaj la armeo, la respondo de la registaro estis daŭre kritikita de la politika opozicio.