Vejdo

Vejdo, pasporta nomo Yida Wei, naskiĝinta la 22-an de oktobro 1947, kaj forpasinta la 18-an de aprilo 2025, estis ĉina esperantisto, redaktoro de la beletra gazeto Penseo kaj tradukisto. Penseo estas renoma ĉina gazeto, kiu regule publikigas poeziaĵojn de diversaj esperantistaj poetoj. Li tradukis inter aliaj La Familio de Bakin, Sieĝata Fortikaĵo de Qian Zhongshu kaj poemojn de Du Fu. Li kunlaboris ankaŭ en aliaj gazetoj, kiel en Beletra Almanako. De multaj jardekoj li vivis kaj agis en Ĉongĉingo. En sia juneco li studis, ankaŭ postdiplome, anglistikon en la Siĉŭana Fremdlingva Universitato.

Vejdo
Persona informo
Naskiĝo	29-an de oktobro 1947 (1947-10-29)
Morto	18-an de aprilo 2025
Lingvoj	Esperanto • ĉina • angla
Ŝtataneco	Ĉinio
Alma mater	Siĉŭana Fremdlingva Universitato
Okupo
Okupo	poeto verkisto redaktisto

En Esperanto

• Vejdo: Paro da blankaj baletŝuoj. Beletra Almanako 29 paĝoj 31-45.
• Vejdo: 300 Ci-poemoj en la ĉina kaj en Esperanto (kantpoemoj de la dinastio Song), 318 paĝoj. Monda Asembleo Socia (la 23-an de majo 2020), ISBN 2369602333, ISBN 978-2369602330

Eksteraj ligiloj

• Persona blogo en ipernity, kiu ne plu ekzistas, jen arkivigita versio de novembro 2021 (esperante)
• Fejsbuka profilo (esperante)
• La ĉizita sel', Mongola popolkanto tradukita de Vejdo

Beletra Edeno

En februaro 2024 la tradicia revuo Penseo ricevis junan frateton: tiam lanĉiĝis en la sama eldonejo kaj kun sama redaktoro nova publikaĵo Beletra Edeno, kun subtitolo "". Malgraŭ tiu iom nekonkreta ne-promeso pri regula apero, la nova revuo ĝis la 10-a eldono aperis tute regule ĉiumonate, kiel ankaŭ la aĝa "frato" Penseo. Jen ligiloj al la unua eldono de februaro 2024 kaj la deka de novembro 2024:

• Beletra Edeno, unua numero, februaro 2024
• Beletra Edeno, deka numero, novembro 2024

La aliajn numerojn eblas atingi tute simple, nur ŝanĝante la bazan numerigon.

Al ekzemple la 9-a eldono de oktobro 2024 kontribuis Luiza Carol, Juan Trepiana, Laimundas Abromas, Hong Jia, Yin Jiaxin, Liu Hongyuan, Leming Lin, Bardhyl Selimi, Lu Song, Minosun, Semio, Dorothea kaj Hans-Georg Kaiser, Serpo, Zang Jun, Vejdo, Jatino, Fang Fang, Guozhu, Mikaelo Bronŝtejn, Rita Mkrtĉjan, Maria Nazaré Laroca, Yi Qiao, Eto, Flageto, Erika Godó, Stanislao M Esposito, Sabin Maruhe, Emanuele Rovere, Ven Don, Mu Ke, Viktoro Mu, Rafael Henrique Zerbetto, Bogusław Ubik-Perski kaj John Huang.