Bogdan Michalski
Bogdan Michał Michalski (naskiĝis la 13-an de majo 1931 en Krakovo, mortis la 26-an de marto 2008 en Varsovio) - pola inĝeniero, tradukisto, turisto kaj esperantisto.
| Bogdan Michalski | |
|---|---|
| Persona informo | |
| Naskiĝo | 13-an de majo 1931 |
| Morto | 26-an de marto 2008 (76-jaraĝa) |
Vivo redakti
Diplomito de Krakova Politekniko ĉe Fakultato pri Tera Inĝenierarto en Krakovo, doktoriĝis en Varsovia Teknika Universitato. Plurjara laboranto de i.a. unu el institutoj de Pola Scienca Akademio. Tradukisto el la angla, germana, rusa kaj Esperanto. En 1970 esperantistiĝis kaj en 1981 membriĝis en Pola Esperanto-Asocio, estrarano de Ĉefa Estraro, vicprezidanto de Varsovia filio, kie gvidis Esperanto-klubon. Populariganto de turismo, organizanto de renkontoj kun vojaĝistoj. Dum siaj ekzotaj vojaĝoj kontaktiĝis kun esperantistoj de vizitataj landoj.
Literaturo redakti
Jozefo Golec, Słownik biograficzny esperantystów polskich (Biografia vortaro de polaj esperantistoj), Cieszyn 2010, p. 141-142