Bremeno

	Bremeno
	germane Bremen
	urbo
Flago	Blazono
	Oficiala nomo: Bremen
	Moto: Ekstere kaj interne - kuraĝi kaj gajni
Lando	Germanio
Federacia lando	Bremeno
Historiaj regionoj	4
Konstruaĵo	Urbodomo de Bremeno
Rivero	Weser
Situo	Bremeno
- alteco	12 m s. m.
- koordinatoj	53° 04′ 37″ N 08° 48′ 32″ O / 53.07694 °N, 8.80889 °O (mapo)
Plej alta punkto	Bremen-Blockland
- alteco	49 m s. m.
- koordinatoj	53° 8′ 35″ N 8° 48′ 22″ O / 53.14306 °N, 8.80611 °O (mapo)
Areo	325,42 km² (32 542 ha)
Loĝantaro	569 396 (fine de decembro 2022)
Unua skribmencio	782
Urbestro	Andreas Bovenschulte; (ekde aŭgusto 2019)
Horzono	MET (UTC+1)
- somera tempo	MEST (UTC+2)
Poŝtkodo	28001 – 28779
Tel. antaŭkodo	(+49) (0)421
ISO 3166	04 0 11 000
Aŭtokodoj	HB
Asocio	Hansa ligo
Landa Esperanto-asocio	Esperanto-Grupo Bremen
	Situo de la urbo enkadre de Germanio Situo de la urbo enkadre de Germanio
	Situo de urbo Bremeno en la federacia lando Bremeno Situo de urbo Bremeno en la federacia lando Bremeno
	Subdividoj de la urbo Bremeno Subdividoj de la urbo Bremeno
	Vikimedia Komunejo: Bremen
	Retpaĝo: www.bremen.de

Ĉi tiu artikolo temas pri urbo en Germanio. Por informoj pri la samnoma federacia lando de Germanio, vidu la artikolon Libera hansa urbo Bremeno.

Koordinatoj: 53° 04′ 37″ N 08° 48′ 32″ O / 53.07694 °N, 8.80889 °O (mapo)

Bremeno (germane Bremen [BREmen]) estas hansa urbo en nordokcidenta Germanio, kiu fine de decembro 2022 havis 569 396 loĝantojn. Ĝi estas la ĉefurbo de la germana federacia lando Bremeno, al kiu apartenas krom Bremeno ankaŭ la urbo Bremerhaven situanta je 60 km pli norde. Bremen troviĝas ĉe ambaŭ flankoj de la riverego Weser, 70 km for de ĝia enfluejo en la Nordan Maron.

Vidindaĵoj

En 2004 la Urbodomo de Bremeno kaj la Statuo de Roland (Bremer Roland, troviĝanta inter la urbodomo kaj la katedralo), estis nomumitaj Monda Kulturheredaĵo de UNESKO. Krome en 2005 la urbo estis fondomembro de la metropola regiono Bremeno-Oldenburgo.

La turakvujo sur la riverinsulo, germane Wasserturm auf dem Werder, estas la plej aĝa turakvujo de la urbo Bremeno. La konstruaĵo alta 47 metrojn – popoldire ankaŭ nomata „renversita komodo“ – sur la urbinsulo estis ero de la Bremena akvomastrumado.

Servoj

Universitato de Bremeno

Socio

Bremeno en la Vajmara Respubliko (1918-1933)

Radio Bremen (mallonge hr) estas aŭtonoma ŝtata radiostacio kaj televida sendostacio por la urbo Bremeno kun centra oficejo en Bremeno.

Festoj

La karnavalo de Bremeno estas ĉiujara karnavala parado en Bremen kun postsekva balo kaj multnombro da flankaj okazaĵoj, kiu okazas ĉiun jaron ekde 1986. Ekde 1991 la karnavalo okazas laŭ devizo ŝanĝiĝanta ĉiun jaron. Temas pri karnavalo kun la pezocentro de sambo. Aliaj „kolonoj“ estas maskoj, kostumoj, paŝstangoj kaj spektakloj. Organizanto estas la asocio Initiative Bremer Karneval e.V. Initiatinto kaj arta direktisto estas la ŝvisa artistino Janine Jaeggi. La karnavalo de Bremeno validas kiel la plej granda sambo-karnavalo en Eŭropo kaj preskaŭ samtempas kun la karnavalo en Venecio.

Famuloj

Adolf Torstrik, klasika filologo
Arnold Schaefer, historiisto
Diederich Volkmann, lernejestro kaj filologo
Edward C. Hegeler, usona entreprenisto
Gustav Pauli, arthistoriisto kaj direktoro de muzeo
Hans-Joachim Kulenkampff, aktoro
Heinrich Vogeler, pentristo, desegnisto kaj arkitekto
Huba Őry, hungardevena inĝeniero
Jan Böhmermann, polemika satiristo
Johannes Coccejus, kalvinista teologo, filologo, hebreisto
Otto Gildemeister, tradukisto kaj urbestro
Selma vom Scheidt, operkantistino
Wilhelm Vöge, arthistoriisto

Rilatoj al Esperanto

En la urbo ekzistas tradicia Esperanto-grupo (retadreso videblas sube). Interalie, en la nordokcidenta urboparto Ohlenhof, proksime de la urba haveno borde de la riverego Weser, situas strato nomata "Zamenhofstraße".