Brita reĝa familio

La Brita reĝa familio, en angla British royal family, estas komponita de la reĝino Elizabeto la 2-a kaj ŝiaj plej proksimaj parencoj. Ne estas strikta jura aŭ formala difino pri kiu estas kaj kiu ne estas membro de la Britia reĝa familio. Multaj membroj subtenas la reĝinon en la partopreno en publikaj okazaĵoj kaj ofte entreprenas bonfarajn taskojn kaj interesojn. La reĝa familio estas rigardata kiel Britaj kulturaj ikonoj.

La Brita reĝa familio sur la balkono de la Palaco Buckingham post la ĉiujara "Trooping the Colour" en 2013.

Tiuj kiuj iam ricevis la titolojn de "Royal Highness" nome "His" aŭ "Her Royal Highness" (HRH) (honoro je la konto de la monarko), kaj de "Majesty" nome "His" aŭ "Her Majesty" (HM), estas normale konsiderataj membroj, inkluzive tiujn kiuj ricevis tiujn titolojn eĉ antaŭ la komenco de la regado de la nuntempa monarko. Laŭ tiu kriterio, listo de la nuntempa reĝa familio kutime inkluzivas la monarkon, ties filojn kaj vir-liniajn nepojn de la monarko kaj de antaŭaj monarkoj, la filojn de la plej aĝa filo de la Princo de Kimrio, kaj ĉiujn el ties nunaj aŭ vidvaj edz(in)oj.

Kelkaj membroj de la reĝa familio havas oficialajn loĝejojn nomitajn laŭ la lokoj el kiuj anoncoj estis faritaj, nome la "Court Circular" pri la oficialaj engaĝiĝoj kiujn ili estis plenumintaj. La oficialaj taskoj kaj dungitaro de kelkaj membroj de la reĝa familio estas financataj per parlamenta monatribuo, ricevita nerekte el la monarko aŭ el la ŝtata trezoro.[1] La reĝa familio estas subtenata de nombraj Britaj Reĝaj Hejmoj, krom de la dungitoj de la loĝataj reĝaj palacoj kaj de la Duklando Kornvalo.

Ekde 1917, nome dum la Unua Mondmilito, kiam la reĝo Georgo la 5-a ŝanĝis la nomon de la reĝa dinastio el tiu duongermana de Saksio-Koburgo kaj Gotao, al kiu membroj de la reĝa familio estis apartenintaj, ĉu pro nasko ĉu pro geedzeco, al tiu de Windsor. Iamaj titolitaj membroj de la reĝa familio kutime ne uzas familian nomon, kvankam ekde 1960 la familinomo Mountbatten-Windsor de Princo Filipo estis adoptita de la familio Mountbatten, estis preskribita kiel familia nomo por la rektaj posteuloj de Elizabeto la 2-a kiuj ne havas reĝajn titolojn, kaj ĝi estas foje uzata laŭbezone por tiuj kiuj ja havas tiajn titolojn.

NotojRedakti

  1. Sovereign Grant Act: main provisions

BibliografioRedakti

  • Burke's Guide to the Royal Family. Burke's Peerage, 1973.
  • Cannon, John Ashton. The Oxford Illustrated History of the British Monarchy. Oxford University Press, 1988.
  • Churchill, Randolph S. They Serve the Queen: A New and Authoritative Account of the Royal Household. ("Prepared for Coronation Year") Hutchinson, 1953.
  • Fraser, Antonia (eld). The Lives of the Kings & Queens of England. Revised & updated edition. University of California Press, 1998.
  • Hayden, Ilse. Symbol and Privilege: The Ritual Context of British Royalty. University of Arizona Press, 1987.
  • Longford, Elizabeth Harman (Countess of Longford). The Royal House of Windsor. Revised edition. Crown, 1984.
  • Weir, Alison. Britain's Royal Families: The Complete Genealogy. Pimlico/Random House, 2002.

Eksteraj ligilojRedakti