Bulgara Esperanto-Teatro

Bulgara Esperanto-Teatro estis teatra grupo da elstaraj bulgaraj aktoroj fondita sub la aŭspicio de la Bulgara Esperanto-Asocio (BEA) en 1958. Ĝi internacie prezentis esperantlingvajn teatraxjojn dum 23 Universalaj Kongresoj de 1959 ĝis 1997, en pluraj Internaciaj Junularaj kongresoj de TEJO kaj IFEF-kongresoj. BET partoprenis unuan fojon en nacia kongreso de BEA en 1958, en UK en 1959 kaj en IJK en 1964

De 1970 ĝis 1983 la grupo surscenigis teatraĵojn sub la gvidado de Kiril Draĵev. Dum kelkaj jaroj Anani Anev kaj Belka Beleva prezentis sub nomo AABB. En 1989 grupo da aktoroj el Teatro de la Junularo en Sofio formis la novan konsiston de BET. BET prezentiĝis per siaj spektakloj antaŭ miloj da spektantoj en dekoj da landoj. BET festis sian duonjarcentan jubileon la 16-an de oktobro 2008 en la salono de la Urba biblioteko en Sofio.

Ili diris pri BET

	„ Entute neforgesebla evento en mia esperantista vivo! ” — Prof. Gaston Waringhien, 1963

	„ La Bulgara Esperanto-Teatro estas fiero ne nur por ni, parolantoj de Esperanto... Per sia agado BET bonege prezentis la bulgaran teatran arton antaŭ internacia publiko. ” — Prof. Humphrey Tonkin, 1971

	„ La internacia publiko el 58 landoj apenaŭ povis reteni siajn larmojn... profunde emociita de la majstra arto de la bulgaroj... La prezento estis proklamita mondpremiero. ” — SM, 1985

	„ Ĉiuvidpunkte perfekta prezento, scenografio, aktorado, reĝisorado, prononcado. ” — Aldo de' Giorgi, 1987

	„ Nova perlo aldoniĝis al la koliero de via repertuaro. ” — Carlo Minnaja, 1992

Aktoroj

Partoprenis en BET :

Belka Beleva Kiril Draĵev, tradukisto de dramverkoj Kunĉo Valev, tradukisto de dramverkoj Anani Anev Angelina Sotirova Darinka Goranova Gerasim Mladenov Gertruda Lukanova, reĝisoro

Georgi Kerelezov Ivan Zlatarev Ivanka Mileva Iskra Radeva Kosta Conev Konstantin Dimĉev Krikor Azarjan, reĝisoro prof. Krestju Mirski, reĝisoro Luna Davidova

Margarita Duparinova Mihail Ĉobanov Mihail Zdravev prof. Mois Benieŝ, reĝisoro Maja Uzunova, scenografo Nikola Petkov, reĝisoro Nikolaj Binev Nikolaj Ivanov Nikolaj Klisurov

Nikolaj Uzunov Olga Popova Petar Vasilev Petar Vuĉkov Rossen B. Siromahov Stefka Prohaskova, reĝisoro Teo Jurukov, aktoro kaj reĝisoro Valentina Borisova Veneta Zjumbjuleva

Spektakloj

Jaro	Titolo	Aŭtoro	Tradukinto	Prezentita en
1959	Ĉasantoj de oficoj	Ivan Vazov
1960	Komedio de eraroj	Ŝekspiro
1964	Edziĝpropono	Anton Pavloviĉ Ĉeĥov
1966	Urso	Anton Pavloviĉ Ĉeĥov
	Dio absolvu	Elin Pelin
1968	Akridoj	Stefan Lazarov Kostov (Стефан Лазаров Костов)
1970	Virina regno	Anton Straŝimirov (Антон Страшимиров)
1971	Mandragora	Machiavelli	Kiril Draĵev	UK '71
	Kara mensoganto	G. Kilti	Ivan Tanev	UK '71
1974	La rozoj	Aldo de Benedetti
	La razisto de Sevilla	Beaumarchais
1975	Servisto de du mastroj	Carlo Goldoni
1976	Lernejo de virinoj	Molière
1977	La ventmuelejo	Elin Pelin
1978	Megero	Anton Straŝimirov
1979	Amo	laŭ Paul Geraldy
1982	La mortintoj de Spoon River	Edgar Lee Masters	Vilmos Benczik
	La lasta magnetofonbendo de Krapp	Samuel Beckett	Vilmos Benczik
1983	Malnovmoda komedio	Aleksej Arbuzov (Алексей Арбузов)
	Epifanio	Ŝekspiro
1984	La milionulo	Jordan Jovkov
1985	Aŭgsburga kretocirklo	laŭ Bertolt Brecht
	Tri virinoj en la neĝo	laŭ Erich Kästner
1987	La kaverno de Salamanca	Cervantes		UK '87
	Pikniko sur batalkampo	Fernando Arrabal		UK '87
1988	Fabelo pri kalpakoj	Panĉo Panĉev (Панчо Панчев)
1989	Lanĉo	Emilija Lapenna	originalo
1990	Mi ne plu konas vin	Aldo de Benedetti
1992	La gastejestrino	Carlo Goldoni	Carlo Minnaja
1995	Triptiko	Giorgio Silfer	originalo	UK '96
Kiel Teatrofako de LF-koop
1996	La vorta klaso	Giorgio Silfer	originalo	ILF '98
1997	Espere despere (tri unuaktaj dramoj)	Sándor Szathmári, Julio Baghy, Giorgio Silfer	originaloj

Eksteraj ligiloj

• Bulgara E-Teatro 50-jara
• BET en la Hispana Kongreso de 1987 en blogo Esperanto-teatro