Cárdenas
Cárdenas [KARdenas] estas vilaĝo kaj municipo de Rioĥo (norda Hispanio), nome en la nordokcidenta Komarko de Nájera kaj precize en la okcidento de la regiono. La loknomo Cárdenas estas etimologie rilatebla al kardo, eble komprenebla kiel Kardejo.
| Cárdenas | |||
|---|---|---|---|
 | |||
| municipality of La Rioja | |||
| Administrado | |||
| Poŝtkodo | 26311 | ||
| Demografio | |||
| Loĝantaro | 132 (2023) [+] | ||
| Loĝdenso | 33 loĝ./km² | ||
| Geografio | |||
| Geografia situo | 42° 22′ N, 2° 46′ U (mapo)42.374166666667-2.7672222222222Koordinatoj: 42° 22′ N, 2° 46′ U (mapo) [+] | ||
| Alto | 569 m [+] | ||
| Areo | 4 km² ( 400 ha) [+] | ||
_-_Municipality_Map.svg)
| |||
| |||
| |||
|
| |||
| Alia projekto | |||
 Vikimedia Komunejo Cárdenas (La Rioja) [+]
| |||
Geografio redakti
Tiu municipo estas en la malsupra fluejo de la valo de la rivero Cárdenas en la Supra Rioĥo. Tiu valo havas ebenan terenon kaj estas 2 km larĝa, kaj estas bordita de diversaj niveloj de teraso kiuj staras ekde la valo ĝis la montetoj de la dekstra bordo de la rivero.
Ĝi estas loĝloko kun komunikvojo laŭ la regiona ŝoseo LR-205 inter Badarán okcidente kaj la LR-113, inter Nájera norde kaj Baños de Río Tobía sude. Ĝi estas je 569 metroj super marnivelo.
Historio redakti
La plej fruaj dokumentaj mencioj datas de la 10-a jarcento. Ekzemple en la dokumento nomita Voto de Fernán González: "Omnes villas de rivo de Alesanco, el rivo de Cárdenas de vertice usque ad Naxeram". En 992 la reĝo de Pamplono kaj Aragono, Sanĉo Garcés la 2-a de Navaro, Abarca, lia edzino doña Urraca Fernández kaj lia filo García Sánchez el Trémulo, donacis al la Monaĥejo de San Millán de la Cogolla la lokon Cárdenas. Mencioj de aliaj donacoj estas de 1064 kaj de 1076.
En la 1960-aj jaroj la elmigrado iris al enlandaj centroj, unue al Bilbao, Barcelono kaj Madrido, kaj en la 1970-aj jaroj al Logroño. El la 1950-aj jaroj oni malaltiĝis el 514 loĝantoj ĝis la nunaj 134.
Aktualo redakti
La bazo de la ekonomio estas agrikulturo, kaj ĉefe vinproduktado, sekvita de tritiko kaj hordeo, krom la fruktoĝardenoj.
La loĝantaro estas tre maljuniĝinta. Vizitindaĵoj estas la preĝejo kaj la ermitejo Salamanchurri ktp.