Calumpit

Calumpit, [kalumpit] - tagaloge Bayan ng Calumpit - estas kvinaklasa urbego (municipo) en Filipinoj, en insulo Luzono, en regiono Centra Luzono, en provinco Bulakano. La nomo "Calumpit" devenas de la arbo "Kalumpít", kiu estas indiĝena malmola lignospecio. Calumpit havas 29 distriktojn.

Larĝa panoramo pri lernejo en Calumpit

Calumpit
municipo de Filipinoj
Administrado
Poŝtkodo	3003
En TTT	Oficiala retejo [+]
Demografio
Loĝantaro	118 471  (2020) [+]
Loĝdenso	2 106 loĝ./km²
Geografio
Geografia situo	14° 55′ N, 120° 46′ O (mapo)14.916666666667120.76666666667 [+]
Alto	6 m [+]
Areo	56,25 km² (5 625 ha) [+]
Calumpit (Filipinoj) DEC Calumpit Situo de Calumpit
Alia projekto
Vikimedia Komunejo Calumpit [+]

Vojo en Calumpit

Geografio

Calumpit situas en la suda parto de la insulo sur ebenaĵo laŭ rivero[1]. Apalit troviĝas nur 5, provinca ĉefurbo Malolos 7, regiona ĉefurbo San Fernando (Pampango) 22, Kezonurbo 41, ĉefurbo Manilo 43, Laoag 369, Cebuurbo 615, Puerto Princesa 616, Dabao 1020, General Santos 1090 kilometrojn (aere) [2]. Calumpit etendiĝas sur areo agrikultura (66,81%), loĝdoma (10,42%), industria (2,48%), komerca (0,89%) kaj aliaj (1,05%).

Salutarko en Calumpit

Historio

Ekde la nememoreblaj tempoj vivis homoj laŭ la rivero en tiu areo. Hispanoj venkis la indiĝenojn en 1571, en la sekvanta jaro estis fondita komunumo el vilaĝoj; ankaŭ paroĥo Calumpit fare de aŭgustenanoj. En 1575 pluraj vilaĝoj estis aligitaj al Calumpit. En 1576 la urbeto estis dediĉita al la patroneco de Johano Baptisto. En 1580 Malolos iĝis jam aparta urbeto. Dum la Filipina Revolucio en 1896 loĝantoj de Calumpit partoprenis en la batalo kontraŭ la hispanoj. Fine 1901 dominado de Usono komenciĝis. En 1942 Usono detruis la ponton ĉe la urbeto por malhelpi la japanajn trupojn. Tamen inter 1942-1945 la japanoj regis. En la malfruaj 2000-aj jaroj Calumpit atingis la internacian kriterion urbego (pli granda, ol cent mil).

Ekonomio

Calumpit estas agrikultura urbego, la areo estas taŭga por agrikulturo. La rivero estas riĉa fiŝkapta tereno kaj provizas kamparanojn por akvumi. La industrio konsistas el manmetioj, produktadoj de ceramikaĵoj, paperoj, vestoj.

Religio kaj eduko

Ĉirkaŭ 80% de la loĝantoj konfesas la katolikan kredon. Pro la usono periodo la protestantismo ankaŭ ĉeestas en la komunumo.

Kolegio-instituto en Calumpit

En Calumpit la plej alta edukejo estas kolegio-instituto.

Trafiko

Calumpit havas trairan ĉefvojon, ŝoseo preteriras. En la urbego motortricikloj, busetoj kaj aŭtobusoj liveras la pasaĝerojn. La fervojo jam ne estas uzata.

Klimato

Calumpit situas en la tropika klimato. Jare pluvas po 799 mm. En ĉiuj monatoj pluvas, tamen inter majo kaj oktobro daŭras la pluva sezono. La averaĝa jara temperaturo varias inter 22-30 °C. Ne estas grandaj diferencoj inter la monatoj.

Vidindaĵoj

• pluraj preĝejoj
• festivaloj
• memorejo pri batalo

• 
  Evangelia preĝejo
• 
  Katolika preĝejo
• 
  Metodista preĝejo
• 
  Katolika preĝejo
• 
  Preĝejo de Filipina Sendependa Eklezio

Fontoj

• WikiTrans

• 
  Merkato
• 
  Librejo
• 
  Statuo
• 
  Ponto