Carl-Eduard-turo (Elgersburg)

La Carl-Eduard-turo (germane: Carl-Eduard-Turm) troviĝas sur la monto Hohe Warte super Elgersburg, Germanio. Ĝi estas tre ŝatata ekskursocelo ĉiujn sezonojn de la jaro. Trakondukas tie ĉi la Salzmann-strato.

Hohe Warte kun turo

HistorioRedakti

Konstruigis la turon la loka balneologo Hermann Piutti en 1885. Tiam ĝi estis 27 metrojn alta kaj el ligno. Tiu ĉi turo kiel ankaŭ dua de 1860 malkonstruitis ventege.

La Kavaliraro de Elgersburg fondite en 1899 decidis tuj starigi belvederon lindan kaj fortan. Planoj estis de la berlina konstruadkonsilisto Alfred Büscher, kiujn realigis la ĉefarkitekto Berthold Kögler el Ilmenau. Aldonitis gastejo kaj ekonomiaj ejoj diversaj. Meto de la fundamenta ŝtono estis en 1910, inaŭguro solena fariĝis en la jaro 1911-a.

PriskriboRedakti

Nuntempe la turo estas 32 metrojn alta kaj portas la nomon de la duka moŝto Carl-Eduard de Sachsen-Coburg-Gotha kiu regis inter 1910 kaj 1918. Konstrumateriale uzitis el proksima ŝtonrompejo originanta kaj veteraĉrezistanta porfiro. Longan tempon la tenado de la gastejo ja malfacilis: nur en 1967 instalitis tie elektrika kurento kaj eĉ ne antaŭ 1978 akvokranoj!

Eksteraj ligilojRedakti

Gasteja hejmpaĝo