Chiemsee-Fervojo

Chiemsee-Fervojo
	La Chiemsee-Fervojo en Prien-Stock
Superrigardo
Numero de linio	9571
Paso de fervojo
Teknikaj trajtoj
Longo	1,91 km
Ŝpuro	1000 mm (Metra ŝpuro)
Maksimuma dekliveco	2,5 ‰
Min. radiuso de arko	60 m
Maksimuma rapideco	20
Stacioj de la fervojlinio
	v • d • r

La Chiemsee-Fervojo (Fervojo ĉe lago Chiemsee [kiːmzeː]) estas mallonga etŝpura fervojo – vaportramo – en Bavarujo kun longeco de 1,91 kilometroj.

La datenoj de Chiemsee-Fervojo redakti

Numero en la germana horaro-libro (KBS): 10602
Lininumero: 9571
Longeco: 1,91 km
Ŝpuro: 1000 mm
Plej granda dekliveco: 2,5 ‰
Plej malgranda radiuso: 60 m
Plej granda rapideco: 20 km/h

Prien Chiemsee-stacidomo, dekstre DB-staciodomo (ne videbla)

Stacio Prien-Stock, (kun deponejo de fervojo, kun ŝovponto, (dekstre)

1887: la tegita originala vaporlokomotivo de Chiemsee-fervojo

La vaporlokomotivo, hodiaŭ, kun malfermaj cilindraj valvoj, malantaŭ de alveno, malakvumado de cilindroj

Provizado per akvo

la ferma vagono 9 estas miksita vagono, ĝi havas sidlokojn en 1-a kaj 2-a klasoj, kaj pakaĵejon

malferma platformo de persona vagono

Historio redakti

Ekde 1887 la vaportramo ligas la stacion de Prien am Chiemsee kun la ejo Prien-Stock, en la kajo estas ankaŭ la ŝipstacio de Chiemsee-Schifffahrt.
Ĝis hodiaŭ la fervojo estas vaporfervojo kun vaporlokomotivoj nur en turista sezono.
La Chiemsee-Fervojo havas nur simplan lokan (trama)-fervojan koncesion laŭ la germana Eisenbahn-Bau- und Betriebsordnung für Schmalspurbahnen (ESBO) (Fervojo-Konstruo- kaj -servo-ordaro (administra leĝo) por etŝpuraj fervojoj).
La fervojo havas kompletan propran relokorpon (relo) kun "normala" vinjol-relo; tipo de Charles Vignoles.
En loka lingvo oni parolas pri vaportramo aŭ Dampftramway, ĝi estas la plej malnova vaportramo de la mondo sen interrompo en servo.
Ekde la mezo de la 19-a jarcento la regiono estas grava pri turismo kaj oni konstruas la turistan substrukturon.
Oni fondis ŝipsocieton en jaro 1845, ankaŭ oni konstruas la fervojstacion en 1860 Prien am Chiemsee, de granda fervojo Munkeno–Rosenheim–Salzburgo.
Ludoviko la 2-a mortis en jaro 1886.
Princo Luitpold haltigis la konstruadon de la nova Kastelo Herrenchiemsee kaj malfermis la kastelon al publiko.
Multaj turistoj venis al insuloj Herreninsel, Fraueninsel kaj en la hotelojn.
La Königlich Bayerische Staats-Eisenbahnen, reĝa bavara fervojo, alportas la turistojn de Munkeno, Rosenheim kaj Salzburgo al Prien.
Oni transportis la turistojn per kaleŝo kaj ĉaro al la haveno, sed la transportoj estis malfacilaj por tre multaj turistoj.

Malfermo de loka fervojo redakti

La loka ŝipisto Ludwig Fessler kaj Kommerzienrat Georg Krauss de Munkeno petis ankoraŭ en jaro 1886 la konstruon de etŝpura loka fervojo de stacidomo Prien ĝis la haveno de vaporŝipoj en Stock.
Oni planis kaj konstruis rapide. Oni konstruis ekde la 2-a de majo 1887, oni finis meti la ŝpalojn en 21-a de junio kaj oni najlis la relojn.
Oni feste malfermis la vaportramon post 70 tagoj de konstruado en 9-a de julio 1887.
Ekde dimanĉo, la 10-a de julio, la tramo estis en oficiala servo.

Minacoj pri oficiala servo redakti

Hodiaŭ oni ne bezonas la vaportramon por persona transporto, en haveno en Prien-Stock estas granda parkejo por aŭtoj kaj busoj. Ofte en 1970-aj kaj 1980-aj jaroj on volis fermi la servon.
Oni plendis pri bruo.
Sed ekde 1980 la vaportramo estas ŝtata protekta.

Hodiaŭa turista signifo redakti

La vaportramo estas grava por turismo kaj estas tempa vojaĝo en la jaron 1887. La turistoj amas veturi per vaportramo.

Societoj redakti

Ĝis la 5-a de julio 1965 la fervojo estis parto de firmao Chiemseebahn Fessler & Companie Prien.
Sed la societo neniiĝis kaj la fervojo estas hodiaŭ parto de Chiemsee-Schifffahrt Ludwig Feßler KG, (Chiem-laga ŝiparsocieto, Ludwig Feßler komandito-societo).
En decembro 1980 la Bayerisches Landesamt für Denkmalpflege protektis la Chiemsee-fervojon. Je la 4-a de junio 1986 la bavara ŝtato donis prolongan servo-koncesion por 50 jaroj ĝis la 4-a de junio 2036.

Linio redakti

Kun la aliaj reloj oni konstruis en jaro 1887 linion de ĉirkaŭ 2200 metroj, en ŝpuro 1000 mm.
La linio havas nur 7 manotrakforkon.
La radopremo estas 3,75 tunoj.
Ĝis la jaro 1908 la stacio Prien estis en la placo antaŭ la stacio en la parto okcidenta.
La Chiemsee-Fervojo devis pasi la fervojokorpon de normal-ŝpura ŝtata fervojo por atingi la lagon en oriento.
La tre danĝera vojkruciĝo havis du halto-signalilojn por la etŝpura fervojo.
En vintro 1908/1909 oni rekonstruis la linion, la stacio de la loka fervojo estas de tiam je la orienta flanko de la granda stacio.
La fervojeto devas ekde 1909 pasi nur la ĉefan straton kaj plurajn malgrandajn stratojn.
La longeco estas hodiaŭ nur 1910 metroj sen halto.
La remizo kaj la metiejo de la fervojo por la riparoj estas rekte apud la fina stacio Prien-Stock.

Servo redakti

Oni veturas 8 minutojn. La meza rapideco estas 14,325 km/h.
Oni veturas per nur unu trajno. Oni ne bezonas fervojkruciĝon.
Oni veturas nur en somera sezono de fino de majo ĝis fino de septembro. La trajno veturas ĉiutage de hore 9:30 ĝis 18:23 per 10 trajnparoj tagaj.

Veturiloj redakti

Vaporlokomotivo redakti

La vaporlokomotivo Bn2t Krauss kun numero 1813 estas de jaro 1887. (La lokomotivo havas nur 2 aksojn, 2 cilindrojn kaj bezonas nur vaporon de ĉirkaŭ 160–180 celsiaj gradoj. La vaporo ne estas supervarmigita. La lokomotivo ne havas tendron; la karbo kaj la akvo estas en lokomotivo.
La ĉefa lokomotivo estas la numero 1813 de lokomotiva fabriko Krauss, Munkeno kaj Linz, de tipo tramo-lokomotivo kun kesto kaj tegmento.
La prezo estis 12500 oraj markoj.
2 egalajn lokomotivojn kun la aksa formulo B n2t, la fabrikajn numerojn 1814 kaj 1818, oni liveris al la loka fervojo Ravensburg–Weingarten.
En jaro 1937 oni rekonstruis la malnovan kaldronon kun nova kupra fajrokesto.
En vintro 1957/1958 oni konstruis novan kaldronon de maŝina fabriko Jung, Kirchen (Sieg)).
La nova kaldrono donas anstataŭ 60 (CP/PS/HP) ĉevalpovojn nun 100 (CP/PS/HP) ĉevalpovojn (aŭ anstataŭ 44 kilovatojn nun 74 kilovatojn).
La lokomotivo bezonas jare ĉirkaŭ 25 tunojn da karbo por 2200 regulaj kaj specialaj veturoj.

Dizela lokomotivo redakti

Oni havas ankaŭ dizelan lokomotivon ekde jaro 1982.
La dizela maŝino estas de jaro 1962. Por la "historia" servo kun la Chiemsee-Fervojo oni konstruas la lokomotivon kun simila "historia" kesto.
La feraĵ-fabriko Halberger Hütte GmbH konstruis la lokomotivon (numeron 22).
La dizela lokomotivo veturos en frua kaj malfrua sezonoj. Ankaŭ kiam necesas ripari la vaporlokomotivon, oni veturas per la dizela lokomotivo.

Vagonoj redakti

La trajno havas orginalajn vagonojn de jaroj 1887 kaj 1888. Oni havas 9 duaksajn vagonojn.
La vagonoj havas longecon de 8400 mm kun bufroj. Oni veturas ofte kun ĉiuj naŭ vagonoj.

Vagono	Tipo	Sidlokoj 1-a klaso	Sidlokoj 2-a klaso	rimarkoj
1	ferma	24	0	Salonvagono
2	1/2malferma	0	32
3	1/2malferma	0	32
4	1/2malferma	0	32
5	1/2malferma	0	32
6	1/2malferma	0	32
7	ferma	0	32
8	ferma	0	32
9	ferma	8	16	kun pakaĵejo

La salonvagono (vagono 1) estis (ekde 1975 ĝis 1993) 18 jarojn en teknika muzeo en Marxzell ĉe Karlsruhe.

Oni reaĉetis la vagonon kaj oni flegis ĝin dum du jaroj. Ĝi estas en servo ekde la 29-a de aprilo de 1995. Iam oni havis ankaŭ du pakaĵovagonojn, oni detruis la vagonojn en jaro 1966 (vagono 1) kaj en jaro 1987 (vagono 2). De vagono 2 restas la aksoj^[1].

La germana nomo "Bockerlbahn" redakti

Oni parolas ofte ankaŭ pri "Bockerlbahn" [bokerlba:n] – "bahn" estas fervojo – en bavara dialekto ĝi estis karesnomo pri "malgranda fervojo". Oni uzas la nomon ankaŭ pri aliaj "kampa fervojo" en torfa muzeo kun frua kampa fervojo en naturprotekta tereno Kendlmühlfilzen.
(La fruaj vaporlokomotivetoj estas malfortaj, kaj haltis ofte, la lokomotiveto estis kiel azeno, ankaŭ azeno ofte ne volas iri, sed ofte emas halti, la azeno rifuzas; en germana lingvo oni havas la verbon "bocken" [bokn], sed la "Bockerl" estis karesformo de lingvo, la "Bockerlbahn" estas etspura fervojo kun oftaj haltoj.)

Libroj redakti

Marcus Hehl: 'Die Chiemsee-Bahn', La Chiemsee-Fervojo Ek-Verlag, Freiburg im Breisgau 1997, ISBN 3-88255-806-7
Gerd Wolff: 'Deutsche Klein- und Privatbahnen; Germanaj malgrandaj- kaj privataj fervojoj, parto 7: Bayern, Ek-Verlag, Freiburg im Breisgau 2002, ISBN 3-88255-666-8

Referencoj redakti

↑ http://www.schmalspur-europa.at/schmalsp_19.htm

Bildoj en Vikipedio redakti

Vidu ankaŭ en Vikipedio redakti

Chiemsee
Chiemsee (lago) estas purakva lago en Bavario, Germanio, inter urboj Rosenheim kaj Salzburg.
Chiemsee (komunumo) estas komunumo en Germanio. Ĝi apartenas al distrikto Rosenheim, Bavario.
Prien am Chiemsee
Bockerlbahn en germana vikipedio

Eksteraj ligiloj redakti

Chiemsee-Fervojo en la Vikimedia Komunejo (Multrimedaj datumoj)
Kategorio Chiemsee-Fervojo en la Vikimedia Komunejo (Multrimedaj datumoj)

[1] ttp://www.schmalspur-europa.at/schmalsp_19.htm

[1]