Colla parte

Colla parte, mallonge c.p, (it.: kun la voĉo) estas muzika instrukcio, origine en ĥorkomponaĵo. Ĝi diras, ke la akompanado per la instrumentoj estas(plejparte) identa kun la kantvoĉoj. La instrumentoj servas kiel apogiloj por la kantvoĉoj aŭ anstataŭas mankantajn voĉojn. Bona ekzemplo por colla parte estas la venecia plurĥoreco.

Plivastasence kaj en pli nova tempo oni uzas la nocion ankaŭ, se la akompanado de certa libera ĉefa kantvoĉo (opero, kantato) devas subordiĝi laŭ ritmo, tempo kaj esprimo.

Kiel mallongigo en partituro colla parte signifas, ke unu voĉo devas kunludi la melodilinion ekz. en fluto aŭ unua violono, sen ke ĝi denove estas plenskribita. Plejofte nur ondolinio indikas la daŭron de la colla-parte-notacio.