Common Voice

Common Voice estas projekto de la Mozilla-Fondaĵo por krei liberan datumbazon por komputila parolrekonado (ankaŭ nomata 'voĉrekonado'). La celo estas krei bonegan voĉan rekonilon kaj povi rekoni ajnan voĉon, ajnan akĉenton. La projekton subtenas volontuloj, kiuj per mikrofono povas registri frazojn, kaj kiuj povas per aŭskultilo validigi registraĵojn de aliuloj.[1]

'Common Voice'
Infografiko pri kiel uzi la programaron Common Voice
Priskribo projekto por krei liberan datumbazon por komputila Parol-rekonado.
Retadreso commonvoice.mozilla.org
Posedanto Mozilla-Fondaĵo
Wikidata-logo.svg
Information icon.svg
vdr

Kontribuado al la projekto estas tre simpla kaj postulas neniun registriĝon, kvankam eblas indiki salutnomon, retpoŝton kaj la originon (akcento). Oni povas kontribui en du manieroj, ĉefe: "Paroli" aŭ "Aŭskulti". La retejo povas esti uzata kun labortablaj kaj moveblaj aparatoj, tamen por la operaciumo IOS necesas instali la oficialan aplikaĵon de la App Store.

Ekde januaro 2021 la projekto akceliĝis, kiam esperantistaj uzantoj de la ĉifromono Miriado decidis stimuli la projekton per transpagoj al voĉlegantoj. [2]

Kontribui "Parolante"Redakti

Irante al la oficiala retejo de la projekto, iru al la sekcio "Paroli" kaj registru la frazojn, kiuj aperas sur la ekrano.

Kontribui "Aŭskultante"Redakti

Per la sekcio "Aŭskulti" oni povas kontribui, reviziante la frazojn registritajn de aliaj uzantoj, do kontrolante, ke la registrita frazo kongruas kun la reala frazo.

Konto-kreadoRedakti

Oni ankaŭ povas registri konton kaj aliri "rezervitan" areon: Panelo. En ĉi tiu sekcio oni povas vidi la rangotabelon de kunlaborantoj el la tuta mondo aŭ nur la lingvojn al kiuj oni kontribuas. Dank' al la konto eblas ankaŭ spuri la progresojn faritajn: kiuj estas la registritaj frazoj, kiom el tiuj estas aprobitaj, kaj ankaŭ la procento el la validigitaj frazoj. Oni ankaŭ povas "forigi" sian profilon iam ajn. Tiamaniere la registritaj frazoj estos forigitaj el la aro de datumoj.

Elŝuti la datumbazonRedakti

La datumbazo estas disponebla laŭ la permesilo CC0.[3][4]. En Junio 2020 la datumbazon havis pli ol 83 horojn da voĉregistroj en Esperanto, faritaj de pli ol 505 personoj. Nur 9% de la voĉoj estas inaj; krome, personaj pli junaj ol 18 aŭ pli maljunaj ol 40 estas subreprezentitaj en la datumbazon.

La datumaroj estas publike kaj senpage elŝuteblaj el la sekcio "Datumaroj". Oni povas elŝuti la preferatan lingvon el tiuj disponeblaj. Estas, antaŭ ol elŝuti, iuj informoj kiel la grando de la dosiero, la horoj da validigitaj dosieroj, la totalaj horoj, la nombro de voĉoj, akcentoj, aĝoj, sekso kaj aliaj datumoj.

Datumaroj en Esperanto[5]
versio grandeco validigitaj horoj / Entutaj horoj nombro de voĉoj detaloj
2019-02-25 176 mb 4/6 53 21% Vira 10% Ina
2019-06-11 450 mb 13/16 129 51% Vira 11% Ina
2019-06-24 447 mb 23/16 129 51% Vira 11% Ina
2019-12-10 1GB 35/41 215 79% Vira 7% Ina
2020-06-22 2 GB 83/89 505 73% Vira 9% Ina
2020-12-11 3 GB 90/102 574 74% Vira 8% Ina
2021-07-21 17 GB 748/844 1 066 72% vira 9% ina

ReferencojRedakti

Eksteraj ligilojRedakti