Concarneau (bretonlingve Konk Kerne, t.e "Konkulo de Kernevo") estas franca komunumo ĉe la Atlantika Oceano. Ĝi situas en la departemento Finistère (jen france, bretone Penn-ar-Bed), en la regiono Bretonio (france Bretagne, bretone Breizh). Fine de 2020 en la komunumo vivis 20 209 loĝantoj sur areo de 41,08 kvadrataj kilometroj, kio rezultigas loĝdenson de 492 loĝantoj/km². Administre la komunumo apartenas al la arondismento Quimper (france arrondissement de Quimper, bretone Arondisamant Kemper), la suda parto de la departemento, kaj al la kantono Concarneau / Konk-Kerne. La loĝantoj france nomiĝas Concarnois.
Concarneau situas sude de la departemento, en la natura regiono Kernevo (Cornouaille). La urbo-centro kaj la haveno estas ŝlosataj far ĉirkaŭmuroj. Fiŝado kaj marŝipfarado longe restis la ĉefaj ekonomiaj aktivecoj de Concarneau. Turismo hodiaŭ donas al la urbo kreskantan renton.