Cornelia Friis
Cornelia FRIIS (naskiĝis en 1904 en Nederlando kiel Cornelia Margareta Lignian, mortis la 30-an de januaro 1987 en Danio) estis nederlanda-dana esperantistino. En 1930 ŝi edziniĝis al la dana esperantisto Lorenz Friis en granda festo de Amsterdamo. La esperantlingva gazetaro amplekse raportis pri la internacia movada geedziĝo, kaj la Enciklopedio de Esperanto de 1934 menciis ĝin.[1] La paro pasigis sian komunan vivon en Danio.
| Cornelia Friis | |
|---|---|
| Persona informo | |
| Naskonomo | Cornelia Margareta Lignian |
| Naskiĝo | 30-an de novembro 1903 |
| Morto | 30-an de januaro 1987 (83-jaraĝa) |
| Lingvoj | Esperanto • nederlanda • angla • germana • dana |
| Ŝtataneco | Reĝlando Danio (1930–) Reĝlando de Nederlando 
|
| Familio | |
| Edz(in)o | Lorenz Friis
|
| Okupo | |
| Okupo | esperantisto
|
Kun sia edzo ŝi dum pli ol 40 jaroj organizis la internaciajn Esperanto-kursojn en Helsingør,[2] kaj ili en Aabyhøj kune kreis la Danan Esperanto-Eldonejon, «Dansk Esperanto-Forlag». Ekde la ekesto en 1938 ŝi administris la eldonejon,[3] nun ampleksantan centon da titoloj, kaj daŭre havis tiun funkcion dum 41 jaroj, ĝis la paro en 1979 fermis la entreprenon.