Crassier
Crassier estas komunumo en la distrikto Nyon en Kantono Vaŭdo, Svislando. Ĝi havis 1051 loĝantojn je la 31-a de decembro 2012.
| Crassier | |
|---|---|
 | |
| Blazono de Crassier | |
 | |
| Crassier | |
| komunumo en Svislando | |
| Kantono | Vaŭdo |
| Distrikto | Nyon |
| Koordinatoj | 46° 22′ 27″ N 6° 9′ 49″ O / 46.37417 °N, 6.16361 °O (mapo)Koordinatoj: 46° 22′ 27″ N 6° 9′ 49″ O / 46.37417 °N, 6.16361 °O (mapo) |
| Nombro de loĝantoj | 1051 |
| Areo | 2,03 km² |
| Alteco | 475 m super marnivelo |
| Poŝtkodo | 1263 |
| Komunumkodo | 5714 |
 | |
| Situa mapo de Crassier | |
Geografio redakti
La komunumo Crassier situas sur la norda flanko de la rivereto Boiron de Nyon sur la ebenaĵo inter la Lago Lemano kaj la Ĵurasa Montaro apud la landlimo al Francio, proksimume 6 kilometrojn okcidentnordokcidente de la distriktĉefurbo Nyon kaj 15 kilometrojn nordoriente de la urbo Ĝenevo.[1]
La teritorio de la komunumo etendiĝas sur areo de 2,03 km², de kiuj 8,8% estas kovritaj de arbaro, 69,1% servas por agrikulturo kaj 21,1% por setlado. [2]
Najbaraj komunumoj redakti
La komunumo Crassier limas en nordo al Chéserex,en oriento al Borex, en sudoriento al Arnex-sur-Nyon, en sudsudoriento al la ĝeneva eksklavo Céligny, en sudsudokcidento al Bogis-Bossey, en okcidento al Divonne-les-Bains (Francio), kaj en nordokcidento al La Rippe.
Trafiko redakti
Tra Crassier pasas la kantona ĉefvojo n-ro 122 de Nyon al Divonne-les-Bains en Francio. Sude de la komunumo pasas la svisa aŭtovojo A1, kies plej proksima alveturejo Coppe situas proksimume 3 kilometron sudokcidente de la komunumo sur la teritorio de Chavannes-de-Bogis. Pere de la poŝtaŭtolinioj de Nyon al Coppet kaj al La Rippe la komunumo estas konektita al la publika transportreto. La iama fervojo de Nyon al Divonne-les-Bains estis fermita en la jaro 1965.
Historio redakti
La unua dokumenta mencio de Crassier datiĝas el la jaro 1123 kiel de Craceio. Dum mezepoko la vilaĝo apartenis al la nobela familio de Crassier, kiu estis menciita ek de 1123. Sub la berna regado de 1536 ĝis la Helveta Revolucio la loko apartenis al la Voktejo Nyon. En la jaro 1564 la loko estis dividita al du partoj surbaze de la kontrakto de Laŭzano, kiu fiksis la limon inter Berno kaj la Lando de Gex. La franca parto hodiaŭ nomiĝas Crassy kaj apartenas al la komunumo Divonne-les-Bains. En la 18-a jarcento Crassier estis malgranda senjorujo kun propra tribunalo. Post la Helveta Revolucio de 1798 la komunumo estis atribuita al la Distrikto Nyon. De 1839 ĝis 1878 la komunumo estis metita sub tutela kontrolo de la kantono.[3]
Notoj kaj referencoj redakti
- ↑ Fonto: [ Reta mapo 1:20000 de Swisstopo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Germain Hausmann: Crassier en Historia Leksikono de Svislando (2005-01-20)
Eksteraj ligiloj redakti
- Oficiala retejo de la komunumo Crassier Arkivigite je 2012-12-08 per Archive.today
- Vidu ankaŭ en la Vikimedia Komunejo la kategorion Crassier – (Kolekto de bildoj kaj plurmediaj dosieroj)