David Thompson (Barbada politikisto)

David John Howard THOMPSON [dejvid ĝon hauard tompson] (25-a de decembro 1961 – 23-a de oktobro 2010) estis la 6-a Ĉefministro de Barbado, kiu servis de 2008 ĝis lia morto je 48 jaroj per pankreata karcinomo en 2010.

La Hon.
David Thompson PK, MP
David Thompson
Persona informo
David John Howard Thompson
Naskiĝo	25-a de decembro 1961 en Londono, Unuiĝinta Reĝlando
Morto	23-a de oktobro 2010 en Mapps, Barbado
Mortis pro	Naturaj kialoj vd
Mortis per	Pankreata kancero vd
Tombo	Sankta Johano vd
Ŝtataneco	Barbado vd
Alma mater	Universitato de la Okcidenthindo Hugh Wooding Jura Lernejo
Partio	DLP
Familio
Edz(in)o	Marie-Josephine Mara Thompson
Infanoj	Misha Thompson Oya Thompson Osa-Marie Thompson
Profesio
Okupo	Advokato
Postenoj Postenoj Ĉefministro de Barbado (2008–2010) Member of the House of Assembly of Barbados (en) vd
6-a Ĉefministro de Barbado
Dum	16-a de januaro 2008 – 23-a de oktobro 2010
Antaŭulo	Owen Arthur
Sekvanto	Freundel Stuart
vd	Fonto: Vikidatumoj

Biografio

David Thompson naskiĝis en Londono en la Unuiĝinta Reĝlando je Kristnasko, 1961. Lia patro, Charles Thompson, estis Afrika-Barbada pentristo, kaj lia patrino, Margaret Knight, estis blankula aŭtorino, sekretariino kaj flegistino. Ili edukis Thompson-on kaj liajn tri gefratojn ĉe Vilaĝo Fitts, Sankta Jakobo.

Thompson ĉeestis Elementan Lernejon St. Gabriel, poste Lernejo Kombermiro. Ĉe Kombermiro, Thompson distingigis sin pro liaj lertaĵoj en debato kaj publika parolado. Li estis la ĉefa membro de la Kombermira debata teamo, kaj gajnis eminentecon en la tiama-populara mezlerneja debata televida serio Understanding (esperante: Kompreno).

Thompson kompletigis mezlernejon kaj gajnis Barbadan Stipendion en 1978. Li instruis ĉe Kombermiro dum unu jaro, kaj poste ĉeestis la Fakultato de Juro ĉe la Universitato de Karibio. Li diplomis kun honoroj en 1984.

Li iris al la Hugh Wooding Jura Lernejo en Trinidado kaj studis juran edukadon. De 1986 ĝis 1988 li estis parttempa repetitoro de juro ĉe Universitato de Karibio. En 1986 li aliĝis al la jura firmo de Errol Barrow.

Politika kariero

Thompson-a politika kariero komencis je frua aĝo. Li estis membro de la junula brako de la DLP. Tio, aldone al lia sukceso pro liaj telesenditaj debatoj, kaptis la atenton de Errol Barrow, ĉefo de la DLP.

Kiam Errol Barrow mortis je 1987, Thompson estis kandidato por Barrow-a vaka sidejo - Sankta Johano - kaj gajnis la sidejon. Li tenis la sidejon dum 23 jaroj ĝis lia morto en 2010. La sidejo nun estas vaka, sed Guberniestro ĝenerala Clifford Husbands ordonis kromelekton je 21-a de januaro 2011 por plenigi la sidejon. Lia edzino Mara estas en la konkuro por la sidejo, kun la DLP.

En 1991, Ĉefministro Erskine Sandiford nomumis Thompson-on kiel Ministron de Komunuma Evoluo kaj Kulturo. En 1993, li ŝanĝis al Ministro de Financo ĝis la DLP malgajnis potencon je 1994.

Post la DLP malgajnis la elekton de 1994, Thompson iĝis la ĉefon de la kontraŭstaro ĝis 2003. En 2003, li transdonis la ĉefecon de la kontraŭstaro kaj la DLP, kaj reiris al sia jura praktikado.

Ĉefministro de Barbado

Thompson reiris al la DLP en 2006, kaj regajnis la ĉefecon de la kontraŭstaro kaj la DLP. Li agreseme reorganizis la partion, kaj preparis kampanjon por la elekto de 2008. La DLP gajnis la elekton, 20 sidejoj kontraŭ 10 sidejoj por la BLP, kaj je 16-a de januaro 2008 Guberniestro ĝenerala Clifford Husbands jurigis David Thompson-on kiel la 6-an Ĉefministron de Barbado.

Thompson anoncis sian kabineton je 19-a de januaro 2010, kaj nomumis sin kiel Ministron de Financo, Ministron de Ekonomiaj Aferoj kaj Evoluo, Ministron de Laboro, Ministron de Ŝtatoficaro kaj Ministron de Energio. Ĝi juriĝis je 20-a de januaro 2010.

Referencoj

Kabineta Posteno
Antaŭulo	Posteno	Posteulo
Owen Arthur	Ĉefministro de Barbado (16-a de januaro 2008 – 23-a de oktobro 2010)	Freundel Stuart