Devarin
Devarin estas simpligo de Kvenja lingvo, "la plej konata artefarita lingvo", kun pli multaj parolantoj ol Esperanto, laŭ sia anonima brazila aŭtoro. Laŭ li, la kvenja lingvo estis kreata nur post multaj jaroj da studoj de J.R.R. Tolkien, male al Esperanto, kiun oni kreus preskaŭ senlabore. Sed ĉar la kvenja lingvo, tre perfekta kaj bela, estas tre malfacila ĉefe rilate al prononcado, la aŭtoro kreis Devarinon kun vortoj prenitaj el sanskrito kaj vivantaj lingvoj. Vere, Devarin estus, laŭ la aŭtoro, stumpo al posedo de vera Kvenja, kiu donos al mondo tion, kio Esperanto ne povis doni, unuecon…
Gramatiko redakti
- Substantivoj: ĉiuj substantivoj finiĝas per -a, la ina formo estas formita per -in-.
- Adjetivoj: finiĝas per -i.
Deklinacio:
Laŭ la aŭtoro "ne estas malfacilaj kiel en la greka, la latina aŭ la kvenja lingvo. Sufiĉe havi ilin perkore!!!"
- Nominativo: -a (singularo) -r (pluralo)
- Dativo: -lo (sing.) -lor (pl.)
- Genitivo: ?
- Lokativo: -no (sing.) -nor (plur.)
Kiel oni povas vidi, oni devas nur postmeti -r por formi la pluralon de kazoj.
Same kiel en Esperanto, la verboj varias nur laŭ la tempo:
- Prezenco, infinitivo, imperativo: -a: mata manĝas, manĝi, manĝu
- Futuro:-uva: matuva manĝos
- Pasinto:-ne matane manĝis
- Perfekto: unua vokalo+verbo+ia amatia estis manĝinta