Didier Loison
Didier LOISON (naskiĝis la 27an de marto 1973 en Auxerre) estas franca esperantisto.
| Didier Loison | |
|---|---|
| |
| Persona informo | |
| Naskiĝo | 27-an de marto 1973 (51-jaraĝa) en Auxerre |
| Lingvoj | franca • Esperanto |
| Ŝtataneco | Francio 
|
| Okupo | |
| Okupo | esperantisto prezidanto
|
Li ekkonis Esperanton en 1988 pere de radiostacio France Inter kaj eklernis ĝin en 1990.
Li fondis Esperanto-klubon en la Universitato de Burgonjo kaj instruis al komencantaj studentoj. Kiel regiona reprezentanto de JEFO, li organizis la unuan Gastronomian Semajnfinon en Dijon (“Amora”-mustarda) kaj plian proksime de Montbéliard (fromaĝa) en 1999.
Komitatano kaj poste kasisto de JEFO, li estis kasisto de la IJK en Strasburgo en 2001.
Komitatano de la francilia Esperanto-Federacio ekde 2010, reprezentanto en la Komitato de Esperanto-France ekde 2011, li estas ties vic-prezidanto pri eksteraj rilatoj, informado kaj komunikado (ERIK) ekde majo 2013 kaj prezidanto ekde majo 2019.
Li estas dumviva membro de Universala Esperanto-Asocio.