Diskuto:Asteroido

En la franca vikipedio enestas... redakti

En la franca vikipedio enestas interesega artikolo pri asteroido, sed ĝi estas longega por traduki... —La komenton aldonis, sen subskribo, Eliott (diskuto • kontribuoj)

Laŭ the radikoj latinaj, la... redakti

Laŭ the radikoj latinaj, la nomoj de la du unuaj estus Cerero k Palado, ne Cerezo k Palaso. Komparu itala Cerere k Pallade.

itala	ebla Eo
Cerere	Cerero
Pallade	Palado
Giunono	Junono (same kiel tie ĉi)
Vesta	Vesto (same)
Astrea	Astreo
Ebe	Hebo?
Iride	Irido
Flora	Floro
Metide	Metido
Igea	Higeo? Hiĝeo?

66.27.205.12 11:15, 16. Nov 2005 (UTC)

(Mi ja konscias, ke la komento afiŝiĝis antaŭ multe da jaroj.) Mi opinias, ke ĉe asteroidoj kaj ĉielobjektoj ĝenerale oni respektu la jam kutimajn esperantigojn de la respektivaj mitologiaj nomoj. Prilaborante kaj plivastigante la artikolon, mi nun klopodos ankaŭ aparte atenti pri la esperantigoj. Amike, --WinstonSmith 09:51, 16. Jun 2010 (UTC)

Vi ja rajtas, sed bonvolu enkonduki novajn nomformojn nur en tekstoj kiujn vi mem verkas dekomence. Mi forte protestos, se vi ekz. ŝanĝos la nomon Cereso. Tiu artikolo, kun la titolo, restas plejparte en la stato verkita de mi, kaj tie troviĝas ankaŭ konsideroj pri la formo de la nomo. --Surfo 16:22, 16. Jun 2010 (UTC)

Ŝajnas al mi, ke pri malemo al ŝanĝo de kutimaj nomformoj ni tute konsentas, kvankam la mallongeco de mia antaŭa komento estis eble iom miskompreniga pri tio. Certe mi neniam planis ŝanĝi jamajn nomojn. Mi celis ke, ĉe elekto de novaj nomoj, oni estu singardaj kontraŭ esperantigo per simpla kaj blinda aldono de fina -o, kaj male oni zorgu kontroli ĉu la dezirata nomo - almenaŭ en la mitologia senco - jam havas establiĝintan formon en Esperanto.

PS. Iom eksterteme, kial estu malsameco inter "propraj" kaj "aliies" tekstoj? Ja ĉiuj paĝoj en Vikipedio egalas, ĉar ili apartenas al la tuta komunumo, ne al la verkinto. Bonvolu protesti kontraŭ ŝanĝoj de la nomo Cereso en ies ajn artikoloj! :-) Amike, --WinstonSmith 16:59, 16. Jun 2010 (UTC)

Nu, mi certe esprimis min malklare. Mi ja scias pri la ĉies-eco de la artikoloj. Mi tamen lernis tre suspekteme rilati al certa tipo de ŝanĝomaniuloj, kiuj ne maloftas precipe en la esperanta Vikipedio. Tiuj koncentriĝas al amasa "korektado" de lingvaĵo aŭ terminologio de aliaj verkintoj (iam temas pri landnomoj, iam prezidanto-prezidento, foje nan-nano-preskaŭplanedo, ktp.) kaj ne multon verkas aŭ tradukas mem. Mi respektas la vortelekton de tiuj, kiuj mem kontribuis sufiĉe longan tekston kaj, tion farante, devis konscie pesi siajn terminojn kaj elekti iun alternativon (kaj krome ŝajnas regi la lingvon). Via "klopodo atenti pri la esperantigoj" aperis sub tia alarmiga listo de proponoj, ke mi vidis antaŭ mi ree timigan fantomon de aperontaj fuŝkorektoj. Mi vidis en la alarmiga listo unu artikoltitolon, pri kiu mi mem sciis sufiĉe multon, kaj tial volis atentigi, ke almenaŭ tiu vorto estis konscie elektita kaj ke la artikolo eĉ prezentis konsiderojn pri la termino. – Ni trankvile plulaboru. Amike --Surfo 19:42, 16. Jun 2010 (UTC)

Itale kaj ruse, oni prenas la genitivan el la latina aŭ greka, do Cerero, Palado. France, oni prenas la nominativon, do Cereso, Palaso. Sed eĉ ruse, oni prenas la nom-on por kelkaj ne-tro-fruaj objektoj, kiel Mimaso, Atlaso (ne Mimanto, Atlanto kiel la gigantoj). Angle, oni prenas la nom-on por la baza ovorto, sed la gen-on por la avorto k anvorto: Ceres, Pallas (Cereso, Palaso), sed Cererian, Palladian (Cerera, Cererano; Palada, Paladano). Zamenhof elektis jen unu, jen alian, ofte por eviti confuzon inter vortoj: do kaj helico kaj helikso, aŭ eĉ ne forlasis la gramatikan afikxon, ekzemple ĉe viruso. Ĉar cerero estas ero de cero, kaj palado estas ado de pali, eble la kutimaj vortoj Cereso kaj Palaso pli taŭgas. Kwamikagami 02:01, 20. Jun 2010 (UTC)

Ĉu ni diskutu la nomojn? Jen la plej grandaj, plej brilaj, aŭ alie interesantaj: Kwamikagami

Higio (laŭ higieno)

Davido (vere, Davidino)

Heraklino ("Herkulino")

Paciencio (Pacienco?)

Doriso? Dorio? Dorido?

Ursulo

Kamilo

Eŭgenio

Irido ("Iriso" estus alia)

Teŭtato (rusa Тевтат)

Glaŭkeo? Glaŭko? Glaŭceo?

Apofo? Apofio?

Kaj la numero ? redakti

Por la astroj kies nomo estas tiu de mitologia persono aŭ estaĵo, ni reprenus la nomon senŝanĝe. Restas nur listi la diaĵojn kaj 'monstrojn' de ĉiuj religioj...(ni jam havas la genealogian arbon de la grekaj gedioj, nimfoj, muzoj...) Kiam estas la nomo de astronomo aŭ alia sciencisto, same estu la nomo neŝanĝata.

Pri la numero: en multaj vikioj la nomo de la malgrandaj planedoj estas antaŭita de ĝia numero (ekzemple: Plutono estas fakte 134340 Plutono, Cereso estas 1 Cereso, kaj Kvaoaro, precize 50000 Kvaoaro). Rimarku ke 2 Palaso, 1462 Zamenhof kaj 1421 Esperanto estas tiel ja notataj kun iliaj numeroj... ĉu oni faru redirektigilon ?

--Jean-François Clet 08:51, 21. Jun 2010 (UTC)

Eble ne ĉe la preskaŭplanedoj. Sed mi preferus ke ni uzu unu sistemon por ĉiuj, ne foje "X (asteroido)" k foje "# X". Kwamikagami 09:03, 21. Jun 2010 (UTC)

Povas ankaŭ esti demando pri la sekso: kutime la nomo de inaj homoj aŭ diaĵoj finiĝas per "a" (latina kutimo troenradikigita en niaj mensoj) : astro (neŭtra) ricevinte nomo de ulino povus fini per "o" anstataŭ a : 216 Kleopatra povus esti 216 Kleopatro ... (kiel oni faris pri natura satelito (Pazifaa -> Pazifao, Ioa -> Ioo...).

--Jean-François Clet 09:12, 21. Jun 2010 (UTC)

Jes, kompreneble, mi tute konsentas. Ni tradukas -us, -e, kaj aliajn gramatikajn afiksojn al -o, do kial ne -a. Kwamikagami 09:45, 21. Jun 2010 (UTC)

Propono de listo redakti

Jen esperantigitaj nomoj de 40 unuaj asteroidoj, kun ties malkovrdatoj. Ĉu pravas sisteme finigi ilin per "o" kiam temas pri propraj nomoj ? (mi ne scias kial, en la franca kaj aliaj lingvoj la asteroidoj havas ofte virinajn nomojn finiĝintaj per "a")

Cereso : 1-a de januaro 1801 (sen numero ĉar nanoplanedo)
2 Palaso : 28-a de marto 1802
3 Junono : 1-a de septembro 1804
4 Vesto : 29-a de marto 1807
5 Astreo : 8-a de decembro 1845
6 Hebo : 1-a de julio 1847
7 Irido : 13-a de aŭgusto 1847
8 Floro : 18-a de oktobro 1847
9 Metiso : 25-a de aprilo 1848
10 Higio : 12-a de aprilo 1849
11 Partenopo : 11-a de majo 1850
12 Viktorio : 13-a de septembro 1849
13 Egerio : 2-a de novembro 1850
14 Ireno : 19-a de majo 1851
15 Eŭnomio : 29-a de julio 1851
16 Psiĥo : 17-a de marto 1852
17 Tetiso : 17-a de aprilo 1852
18 Melpomeno : 24-a de junio 1852
19 Fortuno : 22-a de aŭgusto 1852
20 Masalio : 19-a de septembro 1852
21 Luteco : 15-a de novembro 1852
22 Kaliopo : 16-a de novembro 1852
23 Talio : 15-a de decembro 1852
24 Temiso : 5-a de aprilo 1853
25 Foceo : 6-a de aprilo 1853
26 Proserpino : 5-a de majo 1853
27 Eŭterpo : 8-a de novembro 1853
28 Belono : 1-a de marto 1854
29 Amfitrito : 1-a de marto 1854
30 Uranio 22-a de julio 1854
31 Eŭfrozino : 1-a de septembro 1854
32 Pomono : 26-a de oktobro 1854
33 Polihimnio : 28-a de oktobro 1854
34 Circo : 6-a de aprilo 1855
35 Leŭkoteo : 19-a de aprilo 1855
36 Atalanto : 5-a de oktobro 1855
37 Fideso : 5-a de oktobro 1855 : aŭ nur Fido
38 Ledao : 12-a de januaro 1856
39 Leticio : 8-a de februaro 1856
40 Harmonio : 31-a de marto 1856
41 Dafno : 22-a de majo 1856
42 Iziso : 23-a de majo 1856
43 Ariadno : 15-a de aprilo 1856
44 Niso : 27-a de majo 1856
45 Eŭgenio : 27-a de junio 1857
46 Hestio : 16-a de aŭgusto 1857
47 Aglajo : 15-a de septembro 1857
48 Doriso : 19-a de septembro 1857
49 Paleso : 19-a de septembro 1857
50 Virginio : 4-a de oktobro 1857
51 Nemaŭso : 22-a de januaro 1858
52 Eŭropo : 4-a de februaro 1858
53 Kalipso : 4-a de aprilo 1858
54 Aleksandro : 10-a de septembro 1858 (laŭ la antaŭnomo de Alexander von Humboldt)
55 Pandoro : 10-a de septembro 1858 (enkoraŭ asteroido kun sama nomo kiel luno (Pandoro (luno))
56 Meleto (aŭ Meleteo ?) : 9-a de septembro 1857 (vidu en la genealogia arbo de la grekaj dioj)
57 Mnemosino : 22-a de septembro 1859
58 Konkordio : 24-a de marto 1860
59 Elpiso : 12-a de septembro 1860
60 Eĥo : 14-a de septembro 1860
61 Danao : 9-a de septembro 1860
62 Erato : 14-a de septembro 1860
63 Aŭsonio : 10-a de februaro 1861
64 Anĝelino : 4-a de marto 1861
65 Cibelo : 8-a de marto 1861
66 Majo : 9-a de aprilo 1861] (aŭ Majao ?)
67 Azio : 17-a de aprilo 1861 (aŭ Asio ?)
68 Leto : 29-a de aprilo 1861
69 Hesperio : 26-a de aprilo 1861
70 Panopeo : 5-a de majo 1861
71 Niobo : 13-a de aŭgusto 1861
72 Feronio : 29-a de majo 1861
73 Klitio : aprilo 7, 1862
74 Galateo : aŭgusto 29, 1862
75 Eŭridiko : septembro 22, 1862
76 Frejo : oktobro 21, 1862
77 Frigo : novembro 12, 1862
78 Diano : marto 15, 1863
79 Eŭrinomo : septembro 14, 1863
80 Sapfo : majo 2, 1864
81 Terpsiĥoro : septembro 30, 1864
82 Alkmeno : novembro 27, 1864
83 Beatrikso : aprilo 26, 1865
84 Klio : aŭgusto 25, 1865
85 Ioo : septembro 19, 1865
86 Semelo : januaro 4, 1866
87 Silvio : majo 16, 1866
88 Tizbo : junio 15, 1866
89 Julio : aŭgusto 6, 1866
90 Antiopo : oktobro 1, 1866
91 Egino : novembro 4, 1866 : aŭ Eĝino
92 Undino : julio 7, 1867
93 Minervo : aŭgusto 24, 1867
94 Aŭroro : septembro 6, 1867
95 Aretuzo : novembro 23, 1867
96 Eglo : februaro 17, 1868
97 Kloto : februaro 17, 1868
98 Janto : aprilo 18, 1868
99 Diko : majo 28, 1868
100 Hekato : julio 11, 1868

Ĉu estas trafa fari paĝon "Listo de asteroidoj" (atentu, ili estas pli ol ducent-mil) aŭ "navigilon" kiu permesus rapide trovi la nomon de asteroido laŭ ĝia numero ?

Mi opinias ja por la unua. Eble por la unua mil.[1] Kwamikagami 01:08, 29. Jun 2010 (UTC)

En la kategorio, povas esti distingataj:

la asteroido de la ĉefa zono

la terrenkontaj asteroidoj

la transneptunaj objektoj

la trojanaj asteroidoj...

--Jean-François Clet 20:23, 28. Jun 2010 (UTC)

Eŭfrosino aŭ Eŭfrozino (el la malnova greko: Εὐφροσύνη / Eufrosune : "la ĝojo") sed en la franca, la "s" inter 2 vokaloj sonas kiel "z". Francoj prononcas [øfroZIN]. Ĉu estas internacia ?

Vidu Eŭfrozino de Polack (estas ankaŭ la germana, angla, pola, k hungara formo kun [z]). Kwamikagami 16:39, 29. Jun 2010 (UTC)

Krom la dato, povas esti aliaj donitaĵoj : maso, duona grandakso, grandoj, ...

Pri asteroidaj donitaĵoj, en la ŝablono "kosma objekto" la ligilo "Spektrokaso" sendas al klasigo de steloj (ties temperaturo) . La spektra klaso de asteroido resendas al malsimila nocio, tiu de la ĥemia komponiĝo de ĝia surfaco... malvolvinda...
--Jean-François Clet 09:41, 29. Jun 2010 (UTC)

Do, ĉu ni movu Veston k Junonon? Kwamikagami 16:39, 29. Jun 2010 (UTC)

Mi trovis, ke la vortaro portugala-Esperanto de Tulio Flores enhavas multajn mitologiajn nomojn. Ekzemple, pri Eŭfrozino ĝi pravigas la ĉi-supran proponon pri "z"; male, pri Mnemosino ĝi subtenas la formon kun "s". Eble indas ankaŭ kontroli ĉu la aliaj mitologiaj nomoj estas samaj ĉi tie kaj en tiu vortaro. --WinstonSmith 19:04, 29. Jun 2010 (UTC)

Embrio de listo redakti

Ĝermeto de listo de la asteroidoj estas tie, almenaŭ la ~~100~~ 200 unuaj. Restas 243 353 listendaj kosmaj ŝtonoj. Mi ne scias ĉu mi trovos tempon por tio: mia edzino furzas la plumbaĵojn kiam mi tro internetumas...

--- Jean-François Clet 20:53, 30. Jun 2010 (UTC)

Aldoni temon