Diskuto:Hispana Opo
Pandemonio estis "mejloŝtona" verko kiel estas ekzemple "La infana raso", "Sed nur fragmento" aŭ "Poemo de Utnoa"! La tiamaj opanoj regis majstre la lingvon. La ibera grupo, aŭ Ibera Skolo, venis post la Opo kaj baziĝis sur ĝi (fakte Camacho restis aktiva tra ambaŭ grupoj). Sed, unue, Liven Dek, nemenciita en la antaŭa redakto de ĉi artikolo, jam estis literature aktiva (kiel verkisto, tradukisto kaj eldonisto) antaŭ ol la opanoj eklernis esperanton (li fakte rolis kiel ponto kun Fernando de Diego kaj Juan Régulo Pérez. Fernández aktiviĝis literature laŭ propra vojo, aŭtonome. Kaj Neves aŭ Montagut venis al la Opo de kulturaj medioj (resp. portugala kaj kataluna) ne ligitaj kun la tiama hispana movado. Do la Opo fakte estis ĝermo de la ibera grupo, striktasence. Georgo Kamachov. —La komenton aldonis, sen subskribo, Jorge CAMACHO (diskuto • kontribuoj) 2008-08-04 14:00
Mi malfaras neenciklopediecan malfaron fare de blokinda anonimulo redakti
Mi malfaras neenciklopediecan malfaron fare de blokinda anonimulo - jc
—La komenton aldonis, sen subskribo, Jorge CAMACHO (diskuto • kontribuoj) 2008-09-12 20:33
[Je 2008-10-29 22:08, la uzulo 85.239.192.217 falsis la enhavo de ĉi tiu diskutpaĝo, modifante alies kontribuon.]
Diable! Mi estas Ricardo Felipe Albert Reyna, kaj mi neniel konsideras min brila nek vigla! Kiu kuraĝis (supozeble kun bonvola intenco) enmiksi subjektivan estimon kun neniel pruvitaj viglo kaj brilo? Francisco Javier Moleón jes ja pruvis sin tia (t.e. brila kaj vigla) per sia tiutempa verkado. Sed mi!? Miaj eventualaj virtoj ja ne staras sur la literatura kampo, almenaŭ ĝis nun; kaj verŝajne plu en antaŭvidebla estonto.
—La komenton aldonis, sen subskribo, 147.96.56.115 (diskuto • kontribuoj) 2009-04-14 17:15
[Je 2010-02-23 08:49, Uzanto:Jorge CAMACHO forigis la vandalaĵojn.]
En enciklopedio oni verku pli sobre, kun malpli da laŭdoj, pli da faktoj kaj pli da perspektivo. Cetere, kial la anonima redaktanto ne igas publika sian nomon? - jc
Mi malfaras ankaŭ malrespektan fuŝredakton fare de blokinda anonimulo redakti
Mi malfaras ankaŭ malrespektan fuŝredakton fare de blokinda anonimulo - jc
—La komenton aldonis, sen subskribo, Jorge CAMACHO (diskuto • kontribuoj) 2010-02-23 08:49
[Je 2011-09-10 15:30, la adreso 88.24.50.91 refaris la vandalaĵojn.]
[Je 2011-09-10 15:55, Uzanto:Tlustulimu malfaris la vandalaĵojn.]
IPulo redakti
Saluton, nekonata IPulo. Bonvolu ne malfari redaktojn de aliaj uzantoj sen grava kialo. Alikaze vi meritos paŭzon. --Tlustulimu 15:57, 10 Sep. 2011 (UTC)
[Je 2011-12-01 23:36, la anonimulo 88.11.15.109 faris novajn vandalaĵojn kaj enmetis la sekvan komenton tute supre, ne malsupre:]
Kara Tlustulimu redakti
Mi lasas al vi ĉi tie iom da laboro. Mi ja meritas paŭzon. Kiu ne?
—La komenton aldonis, sen subskribo, 88.11.15.109 (diskuto • kontribuoj) 2011-12-01 23:36
Mia iama komento celis objektivigi nepruvitan aserton pri miaj eventualaj "brileco" kaj "vigleco", kiujn mi ne vidis en mia "Montriĝo". Feliĉe, postaj versioj fariĝis pli verkonformaj laǔ mia opinio. Ĉiun laǔdon kaj mallaǔdon oni bonvolu pravigi per faktoj kaj per taksokriterioj.
—La komenton aldonis, sen subskribo, 88.7.69.135 (diskuto • kontribuoj) 2012-01-28 19:58
Plia komento de Ricardo Albert pri karakterizaj trajtoj de la Opo:
Se mi bone memoras, ni uzadis la vorton "opano" por la strikta signifo "homo, kiu esperanton ne balbutas, sed vere parolas". Literaturon kelkaj opanoj aliris nur poste; kelkaj, per propraj paŝoj; tamen aliaj, iom puŝataj de amika premo, kies konturojn mi jam forgesis. Tiutempe ni ne (aŭ eble ne ĉiu el ni) starigis pretendon pri literatura skolo. Ni estis junaj (ĉirkaŭ dudekjaraj, aū eĉ pli junaj), relative novaj parolantoj de la lingvo (mi mem eklernis en 1977, en la somero de mia dekkvin-jariĝo) kaj malmulton sciis pri esperanta literaturo, ĉu en Hispanio (ekzemple, mi konis Liven Dek nur per liaj skribaĵoj en HEJS-Juneco, organo de la junurala sekcio de HEF), ĉu translime. Nia movada universo gravitis ĉirkaū tiaj lokaj fenomenoj kia la "pernaza metodo" por ne forgesi la akuzativo [tiele!] primoke al la tiam tie fama vartejo de esperantistoj, kiu estis la "perfraza metodo" de la koresponda kurso de Francisco Zaragoza Ruiz. Ni estis tiel junaj... ke ni pensadis kaj planadis nur amuziĝon.
—La komenton aldonis, sen subskribo, 150.244.50.226 (diskuto • kontribuoj) 2012-03-28 09:13
Difino de la Opo redakti
Kiel opano, mi klare memoras, ke la Opo (sen hispana aū Hispana) estis la restanta nomo de tio, kio unue estis duopo, poste triopo kaj tiel plu ĝis la fina nur simpla opo da homoj, kiuj parolis fluan Esperanton en la Hispanio de la unua duono de la okdekaj jaroj, en forta kontrasto kun la ĝenerale balbuta nivelo, laŭ nia pedanta kaj aroganta takso de la lingva nivelo en la malmultaj hispanaj Esperanto-medioj, kiujn ni konis.
La ideo fari el la Opo literaturan grupon ne apartenas al la frua epoko. La libreto "Pandemonio" eble estus forgesita, se kelkaj el la tiamaj opanoj ne venus poste al la Ibera grupo de verkistoj. Sed la libreto mem estis nenia manifesto nek elmontro de literatura grupo. Nur Jorge Camacho, Francisco Javier Moleón (per sia nomo kaj per tiu de sia unue fianĉino kaj poste edzino, ankaŭ opanino) kaj Alberto Franco prezentis verajn literaturaĵojn, eĉ se mi neniam haltis por ellabori pritakson preter mia simpla ŝato.
—La komenton aldonis, sen subskribo, Ricardo Albert Reyna (diskuto • kontribuoj) 2017-01-28 01:12
Taksoj redakti
Mi proponas, ke taksoj kiel "brila", "genia" kaj aliaj (pozitivaj, negativaj aŭ neŭtralaj) ne estu tiel malavare disdonataj, sed laŭeble pravigataj per argumentado. Sobra adjektivado igas la informojn pli kredindaj, laŭ mia opinio.
—La komenton aldonis, sen subskribo, Ricardo Albert Reyna (diskuto • kontribuoj) 2017-01-28 01:16
Administra purigo redakti
Mi provis restarigi la diskuton tia, kia ĝi estus, se neniu modifus alies testojn. Krome mi ŝlosis la diskuton por anonimuloj. Evidente mi ne povas kontroli kiuj realaj personoj estas malantaŭ ensalutintaj uzantoj.
Mi petas la seriozajn diskutantojn subskribi siajn kontribuojn per kvar tildoj. Peti la aliajn kredeble ne havas sencon.