Dorf Mecklenburg
Dorf Mecklenburg [doaf ME:Klnbuak] estas komunumo en Germanio. Ĝi troviĝas en la distrikto Nordokcidenta Meklenburgo de la federacia lando Meklenburgo-Antaŭpomerio, kaj estas la administra centro de la komunumaro Amt Dorf Mecklenburg-Bad Kleinen. Fine de decembro 2022 la komunumo havis 3162 loĝantojn. Krom la ĉefa loĝloko Dorf Mecklenburg, la komunumo ankoraŭ konsistas el la loĝlokoj Karow, Kletzin, Moidentin, Olgashof, Petersdorf, Rambow, Rosenthal, Rothentor kaj Steffin.
| Dorf Mecklenburg | |||||||
| |||||||
| |||||||
|---|---|---|---|---|---|---|---|
| neurba komunumo de Germanio | |||||||
| Administrado | |||||||
| Federacia lando | Meklenburgo-Antaŭpomerio | ||||||
| Distrikto | Distrikto Nordokcidenta Meklenburgo | ||||||
| Komunumaro | Amt Dorf Mecklenburg-Bad Kleinen | ||||||
| Urborajtoj | – | ||||||
| Telefona antaŭkodo | 03841 | ||||||
| Poŝtkodo | 23972, 23966 | ||||||
| Aŭtomobila kodo | NWM | ||||||
| Oficiala Municipokodo | 13074019 | ||||||
| Politiko | |||||||
| Komunumestro | Peter Sawiaczinski | ||||||
| Adreso de la administrejo | Am Wehberg 17 23972 Dorf Mecklenburg | ||||||
| Demografio | |||||||
| Loĝantaro | 3162 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 53° 51′ N, 11° 28′ O (mapo)53.842711.4633Koordinatoj: 53° 51′ N, 11° 28′ O (mapo) | ||||||
| Alto super la marnivelo | 40 m | ||||||
| Areo | 29,97 km² | ||||||
| Oficiala retejo | http://www.dorf-mecklenburg.de/ | ||||||
Geografio redakti
La komunumo Dorf Mecklenburg situas inter la hansa urbo Wismar kaj la Lago de Schwerin, unu el la plej grandaj germanaj lagoj. Tra la monteta tereno de la komunumo pasas ankaŭ la akvodislimo inter la Norda Maro kaj la Balta Maro. Okcidente de la komunumo preterfluas la kanalo Wallensteingraben, kiu elfluante el la Lago de Schwerin ligas ĉi-lastan kun la Balta maro. Ĝi estis konstruita inter 1577 ĝis 1582 dum la regado de duko Johann Albrecht.
Historio redakti
La historio de Dorf Mecklenburg estas forte ligita kun la historio de la kastelo Mecklenburg, kiu situas sur la teritorio de la komunumo kaj donis la nomon kaj al la tuta regiono kaj la federacia lando Meklenburgo-Antaŭpomerio. Ĝi estis la unuan fojon skribe menciita en dokumento de la imperiestro Oto la 3-a de la 10-a de septembro 995. Meze de la 13-a jarcento ĝi detruiĝis, en 1277 rekonstruiĝis, sed en 1322 duan fojon kaj definitive detruiĝis.
