Echandens
Echandens estas komunumo en la distrikto Morges en Kantono Vaŭdo, Svislando. Ĝi havis 2214 loĝantojn je la 31-a de decembro 2012.
| Echandens | |
|---|---|
 | |
| Blazono de Echandens | |
 | |
| Kastelo de Echandens | |
| komunumo en Svislando | |
| Kantono | Vaŭdo |
| Distrikto | Morges |
| Koordinatoj | 46° 32′ 0″ N 6° 32′ 32″ O / 46.53333 °N, 6.54222 °O (mapo)Koordinatoj: 46° 32′ 0″ N 6° 32′ 32″ O / 46.53333 °N, 6.54222 °O (mapo) |
| Nombro de loĝantoj | 2214 |
| Areo | 3,88 km² |
| Alteco | 432 m super marnivelo |
| Poŝtkodo | 1026 |
| Komunumkodo | 5633 |
 | |
| Situa mapo de Echandens | |
Geografio redakti
La komunumo Echandens situas sur monta teraso super Lago Lemano okcidente de la rivero Venoge proksimume 10 kilometrojn okcidente de la kantonĉefurbo Laŭzano kaj 6 kilometrojn nordoriente de la distriktĉefurbo Morges. La komunumo konsistas el la vilaĝo Echandes, la vilaĝeto Les Abesses kaj diversaj industrizonoj.[1]
La teritorio de la komunumo etendiĝas sur areo de 3,88 km², de kiuj 15,7% estas kovritaj de arbaro, 54,2% servas por agrikulturo kaj 29,0% por setlado. [2]
Najbaraj komunumoj redakti
La komunumo Echandens limas en nordo al Bussigny-près-Lausanne, en oriento al Ecublens, en sudo al Denges, en sudokcidento al Lonay, kaj en nordokcidento al Bremblens.
Trafiko redakti
Tra Echandens pasas la kantona ĉefvojo n-ro 135, kiu kondukas de Morges al la vojnodo de la svisa aŭtovojo A9 kun la svisa aŭtovojo A1, kiu situas 3 kilometrojn nordoriente de Echandes. La svisa aŭtovojo A1 pasas laŭlonge de la suda komunumlimo. Ĉe la suda komunumlimo situas ankaŭ la stacidomo Denges-Echandens ĉe la trajnlinio de Svisaj Federaciaj Fervojoj de Ĝenevo al Laŭzano. Krome tra Echandes pasas lokaj buslinioj de Laŭzano.
Historio redakti
La unua dokumenta mencio de Echandens datiĝas el la jaro 1164 kiel Scandens. Sur la teritorio de la komunumo estis trovitaj objektoj kaj restaĵoj el la bronzepoko, la La-Tène-epoko la romia epoko kaj la frua mezepoko. En la jaro 1196 la duono de la Senjorujo Echandes apartenis al la katedrala kapitolo de Laŭzano. La alia duono apartenis al la episkopo de Laŭzano, kiu ĝin koncedis kiel feŭdo al la senjoroj de Echandes. Ek de 1536 la loko troviĝis sub la regado de la Voktejo Morges kaj ek de la Helveta Revolucio de la Distrikto Morges. Post la konkere fare de Berno en la jaro 1536 Berno ĝin koncedis al la Hospitalo de Morges.[3]
Notoj kaj referencoj redakti
- ↑ Fonto: Reta mapo 1:20000 de Swisstopo Arkivigite je 2013-09-27 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: François Béboux: Echandens en Historia Leksikono de Svislando (2005-11-07)
Vidu ankaŭ redakti
Eksteraj ligiloj redakti
- Vidu ankaŭ en la Vikimedia Komunejo la kategorion Echandens – (Kolekto de bildoj kaj plurmediaj dosieroj)