Edlyn Teske

germandevena matematikisto kaj esperantisto

Edlyn Teske, naskiĝis en 1968,[1] estas germandevena matematikistino kaj esperantistino, post la fino de 2021 vivanta en Lepsiko.[2] Ŝi de septembro 1998 ĝis aŭgusto 2015 laboris en la Universitato de Waterloo de la kanada samnoma urbo en Ontario, ekde 2000 kiel profesoro pri matematiko kaj de 2019 laboras kiel kriptologo en la dana entrepreno Cryptomathic, ĝis la fino de 2021 en San Jose (Kalifornio), nun en Eŭropo.[2] En la 1980-aj kaj 1990-aj jaroj ŝi tre aktivis en Germana Esperanto-Junularo, precipe en la organizado de Internaciaj Seminarioj. Krome inter somero 1993 ĝis somero 1995 ŝi estis vicprezidanto kaj estrarano pri eksteraj rilatoj en la estraro de TEJO.

Edlyn Teske
en la komitato de TEJO 1988: de maldekstre Saskia Idzerda, Edlyn Teske kaj Thomas Pusch
en la komitato de TEJO 1988: de maldekstre Saskia Idzerda, Edlyn Teske kaj Thomas Pusch
Persona informo
Naskiĝo 1968
en  Germanio
Lingvoj Esperantogermanaanglafranca
Nacieco germano
Ŝtataneco Germanio
Alma mater Universitato de MarburgTeknologia Universitato BerlinoTeknologia universitato Darmstadt
Okupo
Okupo matematikisto • esperantistokomputosciencisto
Esperanto
Aliaj aktivaĵoj GEJ
TEJO
vdr

Ŝi de 1987 ĝis 1990 ĝis bakalaŭro studis matematikon en la universitato de Marburgo kaj ĝis 1993 plustudis en la Teknologia Universitato Berlino; en junio 1998 ŝi doktoriĝis pri informadiko en la Teknologia Universitato Darmstadt.[2]

Referencoj redakti

  1. notita ekzemple en Die Deutsche Esperanto-Jugend stellt sich vor (la teamo de GEJ sin prezentas), eldono 1989, paĝo 12
  2. 2,0 2,1 2,2 kronologia biografio en la retejo linkedin.com