Malfermi ĉefmenuon

Ekliptiko

Skizo de la ekliptiko, la angulo inter la ekliptiko kaj la ĉiela ekvatoro estas 23° 26'.

La ekliptiko estas la (imaga) ebeno en kosmo, en kiu orbitas la Tero ĉirkaŭ la Suno.

La orbitoj de la aliaj planedoj de Suno ne estas ekzakte en la ekliptiko, sed ankaŭ ne tro malproksimaj de ĝi.

La rotacia akso de Tero ne estas orta al la ekliptiko, sed havas al ĝia ortanto angulon de ĉ. 23° 26'. Tiu angulo kaŭzas la fenomenon de ŝanĝiĝantaj sezonoj. Ĝi ne estas konstanta, sed varias (kun periodo de ĉ. 40.000 jaroj) inter 21° 55' kaj 24° 18', influante la klimaton de Tero. Ĝi nun estas malkreskanta; ĉ. 4 300 ĝi atingos mezan valoron de 23°06' kaj ĉ. la jaro 25 000 minimuman valoron.