Debout la France

politika partio en Francio

Debout la FranceDLF (esperante "Ekstaru Francio") estas franca politika partio kreita la 3-an de februaro 1999 de Nicolas Dupont-Aignan, unue sub la nomo Debout la RépubliqueDLR ("Ekstaru la Respubliko"). Ĝi ricevis sian nunan nomon en 2014.

Ekstaru Francio
Debout la France
Emblemo de Ekstaru Francio
partio
Lando  Francio
Estro Nicolas Dupont-Aignan (prezidanto)
Vicprezidantoj Dominique Jamet, Brigitte Brière, François Morvan
Proparolanto Jean-Pierre Enjalbert
Fondiĝo 3-an de februaro 1999
(Fonda kongreso : 23-an de novembro 2008)
Ĉefa sidejo 17 rue des Rossignols
Yerres - 91330
Koloro(j) violkolora, blua, blanka, ruĝa
Ideologio Gaŭlismo
patriotismo, konservismo, eŭroskeptikismo, respublikismo, suverenismo, intervenismo
Pozicio Dekstra
Deputitoj
2 / 577
Senatanoj
0 / 348
Eŭrodeputitoj
0 / 72
Urbestroj
16 / 36 681
Membroj 13 000 deklaritaj(2013)[1]
Eŭropa aniĝo EUDemokratoj
Retejo http://www.debout-la-republique.fr
vdr

Politika pozicio redakti

Ĝia estas dekstra suverenisma partio[2], kiu konsideras sin precipe degaŭlisma. Sur socia kampo, ĝi proksimiĝas al valoroj de konservismo de la tradicia dekstro, kiel la degaŭlismo siatempe. Ĝi povas estis kvalifikita respublikisma maldekstro sur ekonomia kampo.

Prezidata de Nicolas Dupont-Aignan, ĝi deklaris havi 13 000 anojn en 2013[1]. En Strasburgo, ĝi estas ano de la eŭropa politika partio EUDemokratoj.

Historio redakti

Ekstaru La Respubliko estis kreita la 3-an de februaro 1999 de Nicolas Dupont-Aignan kiel parto « aŭtente degaŭlisma » de la Kuniĝo Por la Respubliko (RPR).

La majoritato de ĝiaj anoj poste partoprenis en la fondo de la Kuniĝo Por Francio (RPF), kreita sekve de suverenisma listo kondukita de Charles Pasqua kaj Philippe de Villiers por la eŭropaj balotoj de 1999.

La parto DLR estis relanĉita unuafoje en majo 2000 kaj fariĝis pasejo inter la subtenantoj de Charles Pasqua de RPF kaj la subtenantoj de Philippe Séguin de RPR.

La 9-an de majo 2004, la mocio de DLR ricevis 19,7 % da voĉoj en la nacia Konsilio UMP pri Eŭropo.

La fonda kongreso de la partio okazis la 23-an de novembro 2008.

 
Nicolas Dupont-Aignan kaj la kapuloj de la listoj, okaze de amaskunveno fine de la eŭropa kampanjo, la 2-an de junio 2009.

Deklarita identeco redakti

Ekstaru La Respubliko prezentas sin kiel « degaŭlisma kaj respublikisma kuniĝo ». La partio estas prezentita ankaŭ kiel parto de la socialaj degaŭlistoj, kiuj karakteriziĝas per defendo de sociala demokratio, sen kontesti kapitalismon (socialdemokratia reformismo).

Ekstaru La Respubliko prezentas siajn valorojn :

Kaj tiujn de respublikismo :

Plie, la partio deziras redukton de enmigrado en Francion[4].

Je eŭropa nivelo, DLR estas ano de la eŭropa movado EUDemokratoj. Tiu eŭropa partio defendas la ideon de Eŭropo fondita sur interregistara bazo, alidire de Konfederacia Eŭropa Unio. La prezidanto de DLR, Nicolas Dupont-Aignan, estas ĝia kunprezidanto.

En majo 2010, okaze de la greka krizo, DLR lanĉis peticion por elirigi Francion el la eŭrozono profite al reveno al franko, se eblas integrita en komuna valuto, asertante la respondecon de la unika valuto, kiu ne konsideras la diversajn ekonomiajn strukturojn de la eŭropaj landoj, en la gravaj ekonomiaj malfacilaĵoj de la eŭrozonaj landoj kaj aparte en la sudaj.

En plena greka krizo, Nicolas Dupont-Aignan iris en manifestacio en Ateno en junio 2011 por deklari « la neleĝan aŭtoritaton de FMI kaj de la Eŭropa Unio ».[5].

Strukturoj kaj funkciado redakti

Naciaj instancoj redakti

DLR havas tri naciajn instancojn : la Kongreso, la nacia Konsilio kaj la plenuma Estraro.

La Kongreso arigas ĉiujn anojn ĉiujare por debati pri la agado de la movado kaj decidi pri la morala kaj financa raporto. Ĉiujn tri jarojn, la Kongreso elektas la cent membrojn de la nacia Konsilio kaj la prezidanton de Ekstaru La Respubliko.

La nacia Konsilio konsistas el cent membroj elektitaj per la Kongreso, el la anoj de la plenuma Estraro, el la departementaj sekretarioj, el la parlamentanoj, el la prezidantoj de regionaj konsilioj kaj el la prezidantoj de departementaj konsilioj. Ĝi difinas la strategion de DLR kaj siajn grandajn direktojn.

La plenuma Estraro estas sub aŭtoritateco de la prezidanto de la movado kaj konsistas el tri vicprezidantoj, de la ĝenerala sekretario, nomumita de la prezidanto, komisiita pri helpo en la ĉiutaga funkciado de DLR, de la kasisto, de la adjunktaj ĝeneralaj sekretarioj kaj de naciaj delegitoj.

La prezidanto de la movado estas elektita por tri jaroj.

Movado « Ekstaru La Junuloj » (france "Debout Les Jeunes" aŭ DLJ) redakti

Junula movado ekzistas. Okaze de la ĝenerala Asembleo de Ekstaru La Junuloj (DLJ) de la 8-a de septembro 2012, Nicolas Calbrix estis reelektita per 52 % de la voĉoj prezidanto de Ekstaru La Junuloj, kun partopreno de 52 % de la anoj. Li nomumis post kelkaj tagoj la novan nacian estraron de DLJ kaj komencis reformon de la statutoj de DLJ[6].

 
Nicolas Dupont-Aignan, prezidanto de Ekstaru La Respubliko.

Konsisto de la nacia estraro redakti

Sekve de la nacia Konsilio de DLR de la 16-a de novembro kaj de la nacia estraro la 10-an de decembro 2012, DLR elektis siajn tri novajn vicprezidantojn kaj la nacia estraro estis modifita, ĝi konsistas el virinoj kaj viroj fakaj pri kompetentecoj, tiu nacia estraro estas la kontraŭregistaro de DLR [7].

  • Prezidanto de Ekstaru La Respubliko : Nicolas Dupont-Aignan
  • Vicprezidantoj : Dominique Jamet (franca ĵurnalisto kaj verkisto), Brigitte Brière (eksa adjunkto de la urbestro de Rouen pri militaj aferoj kaj rezerva komandanto en la flugarmeo), François Morvan (kancerologo)
  • Ĝenerala skretario : Jean-Pierre Antoni (eksa departementa konsiliano de departemento Tarn)
  • Kasisto: Claude Lévy
  • Proparolanto : Jean-Pierre Enjalbert (Departementa konsiliano de Val-d'Oise kaj urbestro de Saint-Prix)
  • Funkciaj naciaj sekretarioj :
    • Balotoj : Patrick Mignon
    • Aktivula klerigo : Bruno Potier
    • Interreta komunikado : Jean-Paul Bagot
    • Prezidanto de Ekstaru La Junuloj : Nicolas Calbrix

Elektitoj redakti

Nacia Asembleo redakti

Urbestroj redakti

[laŭ stato de majo 2024]

Balotaj rezultoj redakti

Eŭropaj balotoj de 2009 redakti

Por sia unua kampanjo kiel sendependa partio, Ekstaru La Respubliko prezentis listojn en la sep metropolaj por la eŭropaj balotoj.

Regionaj balotoj de 2010 redakti

Por la regionaj balotoj de 2010, Ekstaru La Respubliko prezentis listojn en tri regionoj :

ĉar ili ne superis la sojlon de 5 % de la esprimitaj voĉoj, neniu listo de Ekstaru La Respubliko rajtis nek je la dua vico nek fandiĝon kun alia listo.

Kantonaj balotoj de 2011 redakti

Iuj kandidatoj de DLR ricevis pli ol 5 % de la voĉoj.

Prezidenta baloto de 2012 redakti

En novembro 2010, Nicolas Dupont-Aignan anoncis sian kandidatiĝon al la prezidenta baloto de 2012 okaze de la dua nacia Kongreso[11]. Li montras eŭron kiel kaŭzon de « mizero », « delokado », « senlaboreco » kaj « malriĉeco »[12].

Li ricevis 643 907 voĉojn en la unua vico, t.e. 1,79 % de la esprimitaj voĉoj[13].

Deputitaj balotoj de 2012 redakti

DLR prezentis kandidatojn en 300 deputitaj distriktoj. Entute, malgraŭ la manko de rimedoj substrekita de Nicolas Dupont-Aignan kaj forta sindeteno, la kandidatoj arigis 151 935 voĉojn. Inter ili, 101 superis la sojlon de 1 % de la voĉoj. Nicolas Dupont-Aignan estis relektita deputito de Essonne kun 61,4 % de la voĉoj, kaj François-Xavier Villain estis relektita deputito de Nord kun 57,63 % de la voĉoj.

Ĉefaj faktoj redakti

En decembro 2013, por la ŝtata financado de la politikaj partioj, 6 deputitoj deklaris sin alligitaj al Ekstaru La Respubliko kaj ankaŭ 4 senatanoj[14].

Referencoj redakti

  1. 1,0 1,1 http://www.debout-la-republique.fr/communique/communique-du-conseil-national-de-debout-la-republique Arkivigite je 2013-11-10 per la retarkivo Wayback Machine Komunikaĵo de la nacia Konsilio de Ekstaru La Respubliko, publikigita sur www.debout-la-republique.fr la 2-a de februaro 2013.
  2. Politika pozicio de DLR
  3. 6-a propono de la programo de 2012. Arkivita el la originalo je 2013-10-05. Alirita 2014-04-08.
  4. Nicolas Dupont Aignan por "serena patriotismo" sur la TTT-ejo de Le Monde, publikigita la 12-an de marto 2012.
  5. Dupont-Aignan en Ateno, vivu libera Grekio! sur gazeto Le Figaro
  6. Nicolas Calbrix reelektita prezidanto de Ekstaru La Junuloj. Arkivita el la originalo je 2013-09-04. Alirita 2014-04-08.
  7. Arkivita kopio. Arkivita el la originalo je 2014-04-20. Alirita 2014-04-08.
  8. Rezultoj de la unua vico de la regionaj balotoj 2010 en Haute-Normandie sur la TTT-ejo de la ministerio pri enlandaj aferoj
  9. Rezultoj de la unua vico de la regionaj balotoj 2010 en Francilio sur la TTT-ejo de la ministerio pri enlandaj aferoj
  10. Rezultoj de la unua vico de la regionaj balotoj 2010 en Loreno sur la TTT-ejo de la ministerio pri enlandaj aferoj
  11. Anonco de kandidatiĝo al la prezidenta baloto sur la gazeto Le Figaro
  12. Arkivita kopio. Arkivita el la originalo je 2010-11-24. Alirita 2014-04-08.
  13. Rezultoj de la prezidenta baloto de 2012 : France entière. Alirita la 29-an de aprilo 2012.
  14. La kuriozaĵoj de la financa alligo. Arkivita el la originalo je 2015-07-15. Alirita 2014-04-08.

Vidu ankaŭ redakti