Elektronika Bibliografio de Esperantaj Artikoloj

Elektronika Bibliografio de Esperantaj Artikoloj (EBEA) estas elektronika bibliografio kiu registras proksimume 8000 gazetajn artikolojn. Pliaj 7000 estas prilaborataj kaj sekvos iom post iom; la artikoloj publikiĝis en diversaj gazetoj, en Esperanto aŭ naciaj lingvoj, ekde la jaro 1890 ĝis hodiaŭ. Temoj estas diversaj aspektoj de Esperanto, ĝiaj historio, movado kaj komunumo, specife interalie :

• terminologio
• etimologio
• frazeologio
• gramatiko
• instruado kaj pedagogiko
• denaskismo
• biografioj de konataj Esperanto-parolantoj
• historio de Esperanto-organizoj
• kongresoj

Apenaŭ aperas literaturo kaj poezio, malmultas ĝenerale scienca literaturo en Esperanto, escepte pri interlingvistiko (GIL).

Ne enestas libroj (monografioj). Tiuj estas troveblaj ekz. en la datumaro TROVANTO Arkivigite je 2005-09-08 per la retarkivo Wayback Machine de la Aŭstria Nacia Biblioteko.

Detalan priskribon (en la germana lingvo !) de la Elektronika Bibliografio de Esperantaj Artikoloj (EBEA) oni trovas ĉe la germana Societo pri Interlingvistiko (GIL).

Eksteraj ligiloj

• EBEA (jen [http://web.archive.org/web/20220412002327/http://www.esperantoland.org/ebea/ arkivigite la la stato de aprilo 2022)
• Bernhard Pabst: artikolo en retejo de la Societo pri interlingvistiko (germane Gesellschaft für Interlinguistik GIL) Arkivigite je 2005-04-05 per la retarkivo Wayback Machine (germane)