Elena Ĥusanova
Elena ĤUSANOVA (ruse Елена Хусанова; naskiĝis en Jekaterinburgo, Rusio) estas rusia esperantisto. Ŝi laboris por E@I kiel volontulo ekde la 22-a de marto 2015 ĝis la 27-a de februaro 2016 en Partizánske. En 2017 ŝi laboris kiel grafikisto por Amikumu.[1]
| Elena Ĥusanova | |
|---|---|
| Persona informo | |
| Naskonomo | Елена Хусанова |
| Lingvoj | rusa • Esperanto • Tokipono • angla • slovaka • sveda |
| Nacieco | rusiano |
| Ŝtataneco | Rusio |
| Okupo | |
| Okupo | esperantisto |
La 20-an de februaro 2015 la LKK lanĉis publikan konkurson pri emblemo por UK 2016 en Nitro, Slovakio.[2] Oni anoncis ŝin kiel gajninton la 23-an de majo, kaj ŝia propono estis elektita de ĵurio el inter 48 proponoj alsenditaj de 11 partoprenantoj.[3]
Ekde la 26-a ĝis la 28-a de septembro 2015 okazis tokipona renkontiĝo EToSo (Eŭropa Tokipona Studado, tokipone: kama sona pi toki pona lon ma Elopa) en Brno, Ĉeĥio.[4] Ŝi organizis kaj kreis la ideon kune kun Václav Zouzalík. Ĝin partoprenis 8 homoj de Slovakio, Rusio, Ĉeĥio, Germanio kaj Nederlando. Dum la renkontiĝo okazis Skype-konferenco kun Sonja Lang, ekskurso tra la urbo, prelego kaj lingvaj ludoj.
Referencoj redakti
- ↑ Teamo (esperante). Arkivita el la originalo je 2017-12-01. Alirita 2017-11-14.
- ↑ Emblemkonkurso (esperante) (2015-02-20). Arkivita el la originalo je 2015-02-22. Alirita 2015-02-22.
- ↑ Rezultoj de la emblemkonkurso por la kongreso en Nitro 2016 (esperante) (2015-05-24). Arkivita el la originalo je 2015-08-18. Alirita 2015-10-24.
- ↑ Renkontiĝoj (esperante). tokipona.info. E@I (2013). Arkivita el la originalo je 2015-10-05. Alirita 2015-11-26.
