Esperanto-muzeo

Esperanto-muzeo estas muzeo kiu ekspozicias materialojn pri Esperanto, Esperanto-movado kaj Esperanto-kulturo. Ofte ĝi estas ligita kun Esperanto-biblioteko.

Esperanto-muzeoj ne nur kolektas diversajn objektojn kaj materialojn (kiel libroj kaj arkivaĵoj), sed ankaŭ prezentas ilin konstante aŭ por difinita tempo, laŭ diversaj planoj kaj programoj.

La distingo inter muzeo, biblioteko kaj arkivo ne ĉiam facilas. Ofte temas pri diversakcenta kombino de ili.

Listo de la Esperanto-muzeoj

En 1980 la Marinko Gjivoje eldonis referencverkon pri la tiama stato de Esperanto-muzeoj. Jen kelkaj famaj Esperanto-muzeoj:

•  Aŭstrio: Esperantomuzeo kaj Kolekto por Planlingvoj en Vieno

La plej kompleta kolektaĵo pri Esperanto kaj interlingvistiko en la mondo, troviĝas ĉe la Aŭstria Nacia Biblioteko.

•  Ĉeĥio: Esperanto-kolekto de Urba Muzeo en Česká Třebová

Biblioteko de esperantlingva literaturo.

•  Ĉeĥio: Esperanto-muzeo en Svitavy

Ekspozicio pri Esperanto-movado kaj biblioteko.

•  Ĉinio: Internacia Esperanto-Muzeo en Zaozhuang

Ekspozicio de objektoj pri Esperanto-kulturo en 5000 m²-loko.

•  Francio: Nacia Esperanto-Muzeo en Gray

Publika arkivejo, dokumentejo kaj konstanta ekspozicio pri Esperanto.

•  Hispanio: Muzeo de Esperanto de Subirats en Sant Pau d'Ordal

Inaŭgurita en la jaro 1968, ĝi havas imponan stokon de 8400 libroj, 12315 jarkolektoj kaj 2485 periodaĵoj (laŭ statistikoj de 1993).

•  Pollando: Centro Ludoviko Zamenhof en Bjalistoko

Inaŭgurita en la jaro 2009.

•  Pollando: Biblioteko Hector Hodler, la plej granda Esperanto-biblioteko.