Akademio Literatura de Esperanto
(Alidirektita el Esperantolingva Verkista Asocio)
La 24-an de julio 2008 naskiĝis en Roterdamo la Akademio Literatura de Esperanto (ALE), por daŭrigi la laboron de la iama Esperantlingva Verkista Asocio (EVA). Ekde 2021 ĝi organizas la Interkulturan Novelo-Konkurson.
Oni ne konfuzu ĝin kun la lingva Akademio de Esperanto (AE aŭ AdE).
Historio redakti
EVA fondiĝis en 1983. Ekde 1984 ĝi kunlaboris kun la Universala Esperanto-Asocio. Ĝia ĉefa celo estis "stimuli kaj plialtniveligi la Esperantlingvan verkadon kaj agnoskigi la Esperantan literaturon en kaj ekster la Esperanto-Movado".
Estraro redakti
- Prezidanto: Mauro Nervi.
- Sekretario: Spomenka Štimec.
- Kasisto: Tomasz Chmielik.
- Komitatanoj: István Ertl, Nicola Ruggiero.
