Flugo 269 de One-Two-GO
Flugo 269 de kompanio One-Two-GO je la 16-a de septembro 2007 estis linia flugo en Tajlando, de Bangkok al Phuket. Ĝi akcidentis dum la alteriĝo, kun 123 pasaĝeroj kaj 7 aviadilanoj.
| Flugo 269 de One-Two-GO | |
|---|---|
| |
| aviadila akcidento | |
| Ĝenerala informo | |
| Dato | 16-an de septembro 2007 |
| Tempo | 9:35 UTC |
| Kaŭzo | Eraroj de stiristoj dum alteriĝo |
| Loko | Phuket |
| Geografia situo | 8° 6′ 53″ N, 98° 19′ 12″ O (mapo)8.114736111111198.319986111111Koordinatoj: 8° 6′ 53″ N, 98° 19′ 12″ O (mapo) |
| Punkto de ekflugo | Bangkok |
| Punkto de alflugo | Phuket |
| Pereintoj | 90 |
| Aviadilo | |
| Tipo | Kolizio kun arbaroj, disrompiĝo kaj brulego |
| Flugkompanio | One-Two-GO |
| Flanka numero | HS-OMG |
| Pasaĝeroj | 123 |
| Aviadilanoj | 7 |
| Postvivintoj | 40 |
 Flugo 269 de One-Two-GO | |
La aviadilo estis de tipo McDonnell Douglas MD-82. Tiu tipo havas du motorojn kaj taŭgas por mallongaj kaj mezaj distancoj.
Dum la surteriĝo de la aviadilo, je la horo 9:35 UTC (15:35 laŭ loka tempo), estis fortaj vento kaj pluvo. La terkontakto okazis laŭplane, sed poste la aviadilo iĝis neregebla kaj transiris la finon de la kurejo. Ĝi trafis arbojn, disrompiĝis en du partojn kaj fine penetris en teramason, ekbrulante.
En la aviadilo mortis 90 homoj; 40 estis savitaj; ili parte mem sukcesis forkuri el la brulanta aviadilo. En la antaŭa parto mortis ĉiuj, ankaŭ ambaŭ stiristoj. La flughaveno estis fermita, ĉiuj flugoj estis nuligitaj.
Laŭ raportoj la 40 savitoj havis jenajn landajn devenojn: 14 tajlandanoj, 8 britoj, kvar germanoj, tri irananoj, tri irlandanoj, du israelanoj, du nederlandanoj, du svedoj kaj aŭstro, aŭstraliano, kanadano kaj italo.
Laŭ Chaisak Angsuwa, estro de la tajlanda aviada aŭtoritato, la stiristo pro la malbona provis senhalte restarti, sed la aviadilo perdis la ekvilibron.
La du aviad-registriloj estis trovitaj kaj esploritaj en Usono, kie la aviadilo estis konstruita. Ilia analizo montris, ke en la lastaj 19 sekundoj de la flugo neniu el la du stiristoj manipulis ion. Kredeble la aviadilo estis kaptita en tondila vento. La oficiala esploro unue kulpigis la stiriston, kiu provis alteriĝi malgraŭ averto. Je la 19-a de septembro oni kulpigis la flughavenan instalaĵon, ĉar tri el ĝiaj ses vento-avertiloj ne funkciis pro manko de sunĉela energio, kiu estis elĉerpita pro la nuba vetero. Sed la aviadilo havis proprajn, sendependajn avertilojn pri vento. La esploro konkludis, ke la stiristoj eraris, kaj blokis la flugojn de la kompanio One-Two-GO por 56 tagoj.
Eksteraj ligiloj
redakti- Aircraft Accident Investigation Committee, Ministry of Transport of Thailand:
- Final report( Arkivigite je 2014-02-02 per la retarkivo Wayback Machine) angle
- "INTERIM REPORT ONE TWO GO AIRLINES COMPANY LIMITED MCDONNELL DOUGLAS DC-9-82 (MD-82) HS-OMG PHUKET INTERNATIONAL AIRPORT THAILAND 16 SEPTEMBER 2007." AAIC (Archive[rompita ligilo]) angle
- Listo de la pasaĝeroj (deadlink)
- Retejo de One-Two-GO Arkivigite je 2018-08-20 per la retarkivo Wayback Machine