Günter Schabowski
Günter SCHABOWSKI [GINta ŜaBOVski] (naskita je la 4-a de januaro 1929, mortinta la 1-an de novembro 2015 en Berlino[1]), estis funkciulo de la Socialisma Unueca Partio (SED) en Germana Demokratia Respubliko (GDR). Per misinformado ĉe gazetara konferenco, montrita el la GDR-a televido, li kaŭzis la falon de la Berlina Muro je la 9-a de novembro 1989.
| Günter Schabowski | |||||
|---|---|---|---|---|---|
| |||||
| Persona informo | |||||
| Günter Schabowski | |||||
| Naskiĝo | 4-an de januaro 1929 en Anklam | ||||
| Morto | 1-an de novembro 2015 (86-jaraĝa) en Berlino | ||||
| Mortis pro | naturaj kialoj vd | ||||
| Mortis per | apopleksio vd | ||||
| Tombo | Waldfriedhof Dahlem vd | ||||
| Lingvoj | germana vd | ||||
| Ŝtataneco | Germana Demokratia Respubliko • Germanio vd | ||||
| Alma mater | Universitato de Lepsiko vd | ||||
| Partio | Socialista Unueca Partio de Germanio vd | ||||
Subskribo 
| |||||
| Profesio | |||||
| Okupo | ĵurnalisto • politikisto vd | ||||
| Laborkampo | ĵurnalismo • politiko vd | ||||
| |||||
| |||||
| |||||
| vd | Fonto: Vikidatumoj | ||||
De decembro 1999 ĝis decembro 2000 li estis enprizonigita pro ordonoj pri pafado ĉe la Berlina Muro.
Malsame al la plej multaj SED-funkciuloj, li poste ŝanĝis sian opinion pri la politika sistemo, al kiu li kontribuis, akceptis ke li malpravis kaj pentis pro siaj agoj. Li entute ekmalakceptis komunismon, kaj kampanjis eĉ por la konservativa Kristandemokratia Unio. En 1967-1968 li estis estinta studento Moskve ĉe la Lenina partialtlernejo de KPSU.
Gazetara konferenco de 1989 redakti
Schabowski estis membro de la ĉefa organo de la partio, la Politbüro, kaj havis la taskon informi la gazetaron pri gravaj okazoj. Je la 9-a de novembro 1989, jam estis demisiita la registaro. De monatoj, amasoj da GDR-loĝantoj estis fuĝintaj al okcidento. Schabowski volis, fine de la konferenco, doni al la ĵurnalistoj pozitivan. Tial li decidis publikigi informon kiun li estis ricevinta lastamomente kaj kiun li ne multe konis.
Temis pri decido de la registaro ke GDR-loĝantoj havu la rajton "permanente forvojaĝi" (ausreisen, fakte: elmigri) el GDR. Ili devos tion anonci kaj ricevos post proceduro siajn paperojn. La registaro opiniis ke tio estos pli bona por la reputacio de GDR ol la fuĝo pere de aliaj landoj kiel Hungario. La informo estu publikigota de la ĵurnalistoj nur la venontan matenon.
Schabowski informis en la konferenco pri la informo, parte legante de folio. Ĵurnalisto demandis ekde kiam la nova regulo validos. Schabowski, konfuzite, erarante, respondis ke validos ekde tuj. La ĵurnalistoj jam tiumomente komprenis ke ili povos raporti pri grandega afero.
La amaskomunikiloj sekve informis ke al GDR-loĝantoj ekde tuj eblas "vojaĝi" al okcidento. Amasoj da homoj iris al la landlimoj kaj postulis iri al okcidenta Germanio. La gardistoj decidis ne rezisti.
Notoj redakti
Eksteraj ligiloj redakti
- http://www.chronik-der-wende.de/_/lexikon/biografien/index_jsp/letter=s/mem=7.10.1989/size=25/start=0.html Arkivigite je 2005-08-16 per la retarkivo Wayback Machine
- http://www.dhm.de/lemo/html/biografien/SchabowskiGuenter
