Georges Guynemer
Georges Marie Ludovic Jules Guynemer [ɡinmɛʁ] (naskiĝis la 24-an de decembro 1894 en Parizo, mortis la 11-an de septembro 1917 en Poelkapelle, Belgio), estis unu el la plej famaj francaj aviadistoj de la unua mondmilito.
| Georges Guynemer | |
|---|---|
| |
| Persona informo | |
| Naskiĝo | 24-an de decembro 1894 en Parizo |
| Morto | 11-an de septembro 1917 (22-jaraĝa) en Langemark-Poelkapelle |
| Mortokialo | Mortis en batalo 
|
| Tombo | Panteono de Parizo 48° 50′ 46″ Nordo 2° 20′ 46″ Oriento / 48.846198 °N, 2.3461054 °O (mapo)
|
| Lingvoj | franca |
| Ŝtataneco | Francio
|
| Alma mater | Collège Stanislas
|
| Okupo | |
| Okupo | piloto militisto
|
Kapitano en la franca aerarmeo, li gajnis 53 konfirmitajn venkojn, plus tridek probablajn venkojn en aerbatalo, flugante per malsamaj tipoj de "Morane-Saulnier", "Nieuport", "SPAD" (VII, SPAD XII canon, SPAD XIII). Estas notinde, ke li postvivis sep fojojn post kiam li estis faligita. Li estis asignita dum sia tuta kariero al skadrono numero 3 (MS 3, N 3 kaj SPA 3), tiel nomita « Escadrille des Cigognes » (Skadrono de Cikonioj), la plej sukcesa batal-unuo de franca aviado en 1914-1918.
Lia moto estis « Faire face » (alfronti) kaj liaj aviadiloj estis kutime flave farbitaj kaj nomitaj « Vieux Charles » (Maljuna Karlo). Kiel postlasaĵo Georges Guynemer fariĝis emblema heroo de Aerarmea lernejo, en Salon-de-Provence.