Georgij Uŝakov
Georgij Aleksejeviĉ UŜAKOV (ruse Георгий Алексеевич Ушаков) naskiĝis la 17-an de septembro 1901 en vilaĝo Lazarevo, Fora Oriento de Rusia imperio (nun Hebrea Aŭtonomio de Rusio), mortis la 3-an de decembro 1963 en Moskvo.
| Georgij Uŝakov | |
|---|---|
| |
| Persona informo | |
| Naskiĝo | 17-an de januaro 1901 en Lazarevo, Jewish Autonomous Oblast |
| Morto | 3-an de decembro 1963 (62-jaraĝa) en Moskvo |
| Tombo | Domashny |
| Ŝtataneco | Rusia Imperio • Sovetunio |
| Okupo | |
| Okupo | esploristo • verkisto |
Li estis fama sovetia arkta esploristo, doktoro pri geografio, aŭtoro de 50 sciencaj eltrovaĵoj.
Biografio redakti
Georgij estis filo de kozako el urbo Ĥabarovsko. La unuan ekspedicion li efektivigis kune kun esploristo Vladimir Arsenjev, kiam li aĝis ankoraŭ 15 jarojn.
En 1926-1929 li estis la unua reprezentanto de la rusia registaro en Wrangel kaj Herald insuloj.
En 1930-1932 kune kun siaj kolegoj post detalaj esploroj okazintaj en tre malfavoraj kondiĉoj li faris la unuan mapon de la Norda Lando arkipelago, kie kromalie malkovris la mallarĝan Ŝokalskij markolon.
En 1935 li estris la ekspedicion en la glacirompilo "Sadko", kiu celis malkovri ion novan en tiea areo. La ŝipo atingis 82 ° latitudon, kio estis la monda rekordo por la libera navigado de la Arkta Cirklo. Malkovritan insulon oni eknomis Uŝakov.
En 1936-1938 li laboris kiel unua estro de la Hidrometeorologia Departamento de Sovetunio.
Kune kun ceteraj sciencistoj li fondis Instituton de Oceanografio en Moskvo.
Pri siaj esploroj li verkis libron "По нехоженой земле" (Laŭlonge de la virga tero), kiun oni eldonis en 1974.
Uŝakov testamentis post morto kremacii lin kaj la cindron konservi en la Norda Lando. Lia lasta deziro estis plenumita: la urnon kun la cindro de la eminenta esploristo oni enigis en betonan piramidon situantan en Domaŝnij insulo konsistiganta la arkipelagon Norda Lando.
Memoro redakti
Nomon de Uŝakov portas:
- loĝloko kaj kabo en Wrangel insulo;
- rivero en Norda Lando;
- insulo en Karaa Maro;
- monto en Antarktio;
- esplora ŝipo;
Eksteraj ligiloj redakti
- [1] biografio kun fotoj ruse;
- [2] solenado okaze de lia 100-jara jubileo ruse;
- [3] Arkivigite je 2012-01-04 per la retarkivo Wayback Machine Norda Lando video, teksto, fotoj ktp;