Giloj
La giloj (en la gila lingvo گیلک, gilaki) estas iranlingva etno kies precipa vivregiono estas la provinco Gilano ("lando de la giloj") en nordokcidenta Irano. Kune kun la mazandarananoj, la giloj konsistigas la "kaspiajn etnojn", kiuj loĝas ĉe la suda marborda regiono de la Kaspia Maro. La giloj parolas la gilan lingvon, kiu estas proksime rilata al la mazandarana lingvo - ambaŭ apartenas al la irana lingvaro.
| Giloj | |
|---|---|
| nacio | |
| Ŝtatoj kun signifa populacio | |
En 2000 ekzistis ĉirkaŭ 2,4 milionoj da giloj, forta kresko kompare al la stato de 1,9 milionoj da etnanoj en 1990. En 1977, universitato estis konstruita en Raŝto, la plej granda urbo de la provinco Gilano.
