Gorĝo (geografio)
Ĉi tiu artikolo temas pri akra valo. Por aliaj signifoj vidu la artikolon Gorĝo.Gorĝo estas en la geomorfologio malvastaj valoj, kies randoj konsistas el akraj deklivoj kaj vandoj.
Gorĝo estas la genra nocio de kelkaj geomorfologiaj esprimoj (klarigoj el NPIV):
- interkrutejo: tre mallarĝa irejo inter du krutaĵoj de monto.
- kanjono: vasta kaj profunda valo, kies bordoj estas krutegaj, ekz. valo de Kolorado
- ravino: profunda kruta valeto en montaro.
- kluso: parto de la valo, ĝenerale mallarĝa, perpendikle traa al malmolaj klinaj tavoloj de monto
- kombeo: erozia malaltaĵo meze-laŭlonge de antiklinalo, simila al kanjono